Aktual mövzular: Dollar alış-satışı , Hava haqqında, Məzənnə, Neftin qiyməti

Azərbaycanlı gənclər beynəlxalq festivalda iştirak edib

Azərbaycanlı gənclər beynəlxalq festivalda iştirak edib

Date: 3 October 2016 12:12

Bakı. 3 oktyabr. REPORT.AZ/ Polşanın paytaxtı Varşava şəhərində “Varşava mozaikası” adı altında beynəlxalq mədəniyyət festivalı keçirilib. Diasporla İş üzrə Dövlət Komitəsinin (DİDK) mətbuat xidmətindən "Report"a verilən məlumata görə, tədbirdə Azərbaycanı Polşada Azərbaycanlı Gənclər Şurası təmsil edib. Festival zamanı qonaqlara Azərbaycanın milli yeməkləri, ləziz şirniyyatları və istehsalı olan şirələr təklif edilib.
Polşada Azərbaycanlı Gənclər Şurasının sədri Nail Əhməd bildirib ki, festivalda Azərbaycanın mədəniyyəti, incəsənəti, turizmini özündə əks etdirən jurnallar və bukletlər də paylanılıb. Polşada yaşayan azərbaycanlıların ifasında canlı musiqi və milli rəqslər alqışlarla qarşılanıb. Bundan başqa, Azərbaycan haqqında məlumat stendi qurulub. Təşkilatın rəhbərlərindən olan Rəsul Məmmədov festivala gələn yerli media nümayəndələrinə Azərbaycan haqqında geniş məlumat verib.
“Avropa Gənclər Evi”nin təşkilatçılığı ilə keçirilən “Varşava mozaikası” adlı beynəlxalq mədəniyyət festivalında Polşa, Azərbaycan, Ukrayna, Qazaxıstan, Belarus, Gürcüstan və Moldova təmsil olunub. 

Tags:  Azərbaycanlı gənclər beynəlxalq festivalda iştirak edib

RƏYLƏR


Top news