Aktual mövzular: Dollar alış-satışı , Hava haqqında, Məzənnə, Neftin qiyməti

Sevgilisi ilə birləşib vətəndaşlara pul atan şəxsə AĞIR CƏZA

Sevgilisi ilə birləşib vətəndaşlara pul atan şəxsə AĞIR CƏZA

Date: 3 October 2016 12:34

Dələduzluqda təqsirləndirilən Rusiya vətəndaşı İslam İbrahimov və onun sevgilisi olan Nigar Saqıyevanın cinayət işi üzrə məhkəmə başa çatıb.

 

Lent.az-ın məlumatına görə, Bakı Ağır Cinayətlər Məhkəməsində hakim Səbuhi Hüseynovun sədrliyi ilə keçirilən prosesdə təqsirləndirilən şəxslərə hökm oxunub. Hakimlər kollegiyasının hökmü ilə hər iki şəxs 9 il müddətinə azadlıqdan məhrum edilib.

 

Qeyd edək ki, İslam İbrahimov sevgilisi Nigar Saqıyeva ilə birləşərək şəhər sakinlərinə torpaq sahələrinə sənəd düzəltmək, ticarət obyektlərinin layihələrini təsdiqlətəcəyini bildirərək pul alıb. O, Bakı şəhər sakini Feyruz Babayevə ticarət obyektini layihəsinin təsdiq edilməsi üçün Bakı Şəhər İcra hakimiyyətində olan tanışları vasitəsi ilə bu işi görə biləcəyini deyib. Buna görə F.Babayevdən əvvəlcə 23850 manat, daha sonra isə 20 min manat alan İ.İbrahimov uzun müddət keçməsinə baxmayaraq verdiyi vədə əməl etməyib. Nigar Saqıyeva isə Xaçmaz rayon sakini Fatma Fərzəliyevadan 16 min manat dəyərində qızıl-zinət əşyaları və 2800 manat nağd pul alıb. Onu da qeyd edək ki, zərərçəkən Fatma Fərzəliyeva Xaçmazda qızıl alverçisi olduğu üçün ona "Qızıl Fatma" deyilir. Zərərçəkənlərin şikayəti əsasında hər iki şəxs saxlanılıb. Onlara Cinayət Məcəlləsinin 178.3.2(külli miqdarda dələduzluq) maddəsi ittiham verilib.


Tags:  Sevgilisi birləşib vətəndaşlara pul atan şəxsə AĞIR CƏZA


RƏYLƏR


Top news