Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Qırğız Respublikasının prezidenti müalicədən sonra ölkəsinə dönüb

Qırğız Respublikasının prezidenti müalicədən sonra ölkəsinə dönüb

Date: 3 October 2016 12:47

Bakı. 3 oktyabr. REPORT.AZ/ Qırğız Respublikasının prezidenti Almazbek Atambayev Türkiyə və Rusiyada müalicə kursu keçdikdən sonra ölkəsinə dönüb.
"Report" Qırğız Respublikası KİV-inə istinadən xəbər verir ki, bu barədə dövlət başçısının mətbuat xidməti məlumat yayıb.
Almazbek Atambayev müalicə müddətində onu dəstəkləyənlərə təşəkkürünü bildirib.
Xatırladaq ki, Qırğız Respublikasının prezidenti sentyabrın 19-da ürəyindəki problemlərlə əlaqədar Nyu-Yorkda keçirilən BMT Baş Assambleyasının 71-ci sessiyasında iştirakdan imtina edərək, Türkiyənin İzmir əyalətinin Çeşme rayonunda həkim nəzarəti altında istirahət edirdi. Sentyabrın 23-də isə müalicəsini davam etdirmək üçün Moskvaya gedib. Almazbek Atambayevin ürəyində aritmiya və həzm sistemində problemlər olub.

Tags:  Qırğız Respublikasının prezidenti müalicədən sonra ölkəsinə dönüb

RƏYLƏR


Top news