“Neftçi” məğlubiyyət seriyasına son qoyub. Fanat.Az xəbər verir ki, Bakı klubu Topaz Premyer Liqasının VII turunun “Kəpəz”lə qarşılaşmasında qazandığı 2:0 hesablı qələbə ilə “qara zolaq”dan çıxıb.
Son 5 matçda qələbə və xala həsrət qalan “ağ-qaralar” sonuncu dəfə avqustun 6-da sevinmişdi. Səfərdə AZAL-a 2 cavabsız qol vuran bakılılar 56 gündən sonra xal əldə edib.
Ardıcıl 5 dəfə uduzmaqla, ölkə çempionatları tarixində özünün ən uzun seriyasına imza atan bakılılar digər antirekorda imkan verməyib. Paytaxt təmsilçisi tarixində 6-cı dəfə qələbəsizlik seriyasını 5-ə çatdırsa da, 2015-ci ildə 9 oyunluq uğursuzluğun təkrarlanmasına imkan verməyib. “Neftçi” ötən il 1 dəfə doqquz, 1 dəfə altı görüşdə qalib gələ bilməmişdi. (pfl.az)
Fanat.Az
