Qabilin 90 illiyinə həsr olunmuş şeir müsabiqəsi başladı - FOTO

Qabilin 90 illiyinə həsr olunmuş şeir müsabiqəsi başladı - FOTO
14:52 3 Oktyabr 2016
Ölkə mətbuatı
A- A+

Xalq şairi Qabilin anadan olmasının 90 illiyinə həsr olunmuş şeir müsabiqəsinə start verilib.

Milli.Az bildirir ki, Bakı Şəhər Mədəniyyət və Turizm Baş İdarəsi Səbail rayon MKS-nin 1 saylı filialında xalq şairi Qabil İmamverdiyevin (Qabil) anadan olmasının 90 illiyinə həsr olunmuş şeir müsabiqəsinin seçim turu keçirilib.

Müsabiqə mütaliənin təbliği və əhalinin bilik dairəsinin genişləndirilməsi, kitabxanalara ictimai marağın artırılması, həmçinin istedadlı uşaqların aşkarlanması, uşaq və gənclərdə Azərbaycan ədəbiyyatına marağın artırılması məqsədilə həyata keçirilir. 
Müsabiqənin ilk turunda Nəsimi rayon 16 saylı texniki hunmanitar liseyin və Bülbül adına orta ixtisas musiqi məktəbinin şagirdləri iştirak ediblər.

Münsiflər heyəti şagirdlərin çıxışlarını 10 ballıq sistemlə qiymətləndiriblər. Nəticədə 16 saylı liseyin şagirdləri Q. Zeynalov və Q.Rzazadə, Bülbül adına orta ixtisas musiqi məktəbinin şagirdi A.Əzizova şeir müsabiqəsinin növbəti turuna vəsiqə qazanıblar.

Milli.Az





Xəbərin orijinal ünvanı: http://news.milli.az/culture/475558.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR