Aktual mövzular: Dollar alış-satışı , Hava, Məzənnə, Neftin qiyməti

Bakıda işdən qovulduğuna görə tanınmış mağazanın menecerini öldürən şəxs məhkəməyə müraciət edib

Bakıda işdən qovulduğuna görə tanınmış mağazanın menecerini öldürən şəxs məhkəməyə müraciət edib

Naftalanda mağaza yandı (21 Mart 2017 09:09)
Bakıda taksi sürücüsü müştərinin başına oyun açdı - MÜRACİƏT (05 Mart 2017 19:19)
Bakıda tanınmış klinikada usta işləyən şəxs yıxılaraq ağır xəsarət alıb (02 Mart 2017 12:57)

Tarix: 4 Oktyabr 2016 09:17

Bakı. 4 oktyabr. REPORT.AZ/ Bakıda tanınmış mağazanın menecerini öldürməkdə təqsirləndirilən Paşa İsmayıl oğlu Qələndərov barəsində olan hökmdən apellyasiya şikayəti verilib.
"Report"un məlumatına görə, Bakı Apellyasiya Məhkəməsində keçiriləcək hazırlıq iclası oktyabrın 5-nə təyin edilib.
İşə hakim Mirpaşa Hüseynovun sədrliyi ilə baxılacaq.
Qeyd edək ki, qətl hadisəsi 2015-ci il dekabr ayının 21-də Nizami rayonu Keşlə qəsəbəsində baş verib. "28 Mall" Ticarət Mərkəzində yerləşən "Next" mağazasının meneceri Vüsal Ələkbər oğlu Xəlilov evində 27 bıçaq zərbəsi ilə qətlə yetirilib. Hadisə zamanı onun həyat yoldaşı və iki azyaşlı övladı da evdə olub. Cinayət onların gözü önündə törədilib.
Nizami Rayon Polis İdarəsinin əməkdaşları tərəfindən aparılan əməliyyat-axtarış tədbirləri nəticəsində cinayəti törətməkdə şübhəli bilinən Yevlax rayon sakini, 1994-cü il təvəllüdlü P.Qələndərov saxlanıb. Hadisəni törədən şəxs V.Xəlilovun meneceri olduğu mağazanın anbardarı olub. V.Xəlilov P.Qələndərovu işdən çıxarıb. Rəhbərinin bu hərəkətinə görə, o, V.Xəlilovdan qisas almaq qərarına gəlib.
P.Qələndərov 120.2.4-cü (qəsdən adam öldürmə, xüsusi amansızlıqla və ya ümumi təhlükəli üsulla adam öldürmə), 134-cü (öldürməklə və ya sağlamlığa ağır zərər vurmaqla hədələmə) və 228.4-cü (qanunsuz olaraq qaz silahını, soyuq silahı, o cümlədən soyuq atıcı silahı əldə etmə, satma və ya gəzdirmə) maddələri ilə ittiham olunub.
Bakı Ağır Cinayətlər Məhkəməsinin hökmü ilə P.Qələndərov 17 il 6 ay müddətinə azadlıqdan məhrum edilib. Hökmdən narazı qalan məhkum apellyasiya şikayəti verib.

Teqlər:  Bakıda işdən qovulduğuna tanınmış mağazanın menecerini öldürən şəxs məhkəməyə müraciət edib



RƏYLƏR


Top xəbərlər