Aktual mövzular: Dollar alış-satışı , Hava haqqında, Məzənnə, Neftin qiyməti

Bakıda ölən atası yuxuda çağırdı, o da Rusiyada özünü damdan atdı

Bakıda ölən atası yuxuda çağırdı, o da Rusiyada özünü damdan atdı

Date: 4 October 2016 12:42

Rusiyanın Kuznetsk şəhərində Qənirə Əliyeva ad-soyadlı azərbaycanlı gənc qadın damdan yıxılaraq ölüb. Bədbəxt hadisə oktyabr ayının 1-də Penza vilayətində 24 yaşlı qadının yaşadığı binada baş verib.

Milli.Az virtualaz.org-a istinadən bildirir ki, o, Rusiyaya bir neçə il öncə gedib. Orada ailə qurub və həyat yoldaşı, onun valideynləri və uşaqları ilə birgə yaşayıb. O qədər də ünsiyyətcil olmayan Q. Əliyeva həm də özünə qapanmış olub və rus dilində pis danışıb. "Bir müddət öncə həmin qadının Azərbaycanda yaşayan atası dünyasını dəyişib. Bu da mərhuma pis təsir edib. O, son vaxtlar hər gecə yuxuda atasının gələrək onu çağırdığını, öz yanına aparmaq istədiyini söyləyirdi", - deyən qonşu İrina bildirir ki, ölümün bir səbəbi də bu ola bilər.

Digər qonşu Svetlana isə bildirir ki, həmin gün qadın damdan yıxılıb. Qalxıb bir neçə addım atsa da, sonra yenə yıxılıb.

Qeyd edək ki, Q. Əliyevanın iki uşağı - 4 yaşlı qızı və 2 yaşlı oğlu qalıb. Oktyabrın 3-də mərhumun meyidi dəfn olunmaq üçün doğulduğu Azərbaycana gətirilib.

Hazırda ölümün dəqiq səbəbləri araşdırılır.

Milli.Az


Tags:  Bakıda ölən atası yuxuda çağırdı Rusiyada özünü damdan atdı

RƏYLƏR


Top news