Aktual mövzular: Dollar alış-satışı , Hava haqqında, Məzənnə, Neftin qiyməti

Azərbaycanlılar Gürcüstanda liderdir

Azərbaycanlılar Gürcüstanda liderdir

Date: 4 October 2016 12:52

Bu ilin 9 ayı ərzində Gürcüstana səfər edən turistlərin sayı ötən ilin müvafiq dövrü ilə müqayisədə 19,5% artaraq 2 156 731 nəfər təşkil edib.

Milli.Az APA-ya istinadən bildirir ki, bu barədə Gürcüstanın Milli Turizm Administrasiyasının rəhbəri Georgi Çoqovadze deyib.

Onun sözlərinə görə, sentyabr ayında ölkəni 631 302 nəfər xarici vətəndaş ziyarət edib ki, bu da ötən ilin analoji ayı ilə müqayisədə 11% çoxdur. Bunlardan 304 814 nəfəri turistdir. Beləliklə, ötən ilin sentyabr ayı ilə müqayisədə ötən ay turist qismində Gürcüstana səfər edənlərin sayı 34,2% artıb.
 
Azərbaycan Gürcüstana səfər edən turistlərin sayı baxımından liderliyini qorumağı bacarıb. Sentyabr qonşu ölkəyə 130 851 nəfər Azərbaycan vətəndaşı səfər edib ki, bu da ötən ilin müvafiq ayı ilə müqayisədə 7,6% çoxdur. İkinci yerdə Ermənistan (130 815 min nəfər, +4,2%) qərarlaşıb. İlk üçlüyü Rusiya (119 096 min nəfər, +31,3%) qapayır.

Milli.Az


Tags:  Azərbaycanlılar Gürcüstanda liderdir

RƏYLƏR


Top news