Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Bakı metrosunda yeni yeraltı keçid istifadəyə verildi - FOTO

Bakı metrosunda yeni yeraltı keçid istifadəyə verildi - FOTO

Date: 4 October 2016 12:52

Binəqədi rayonu, 7-ci mikrorayon ərazisində inşa olunan Bakı Metropoliteninin "Dərnəgül" elektrik deposu ərazisində yeraltı piyada keçidi istifadəyə verilib.

Milli.Az bildirir kİ, bu barədə Trend-ə "Bakı Metropoliteni" QSC-nin mətbuat xidmətinin rəhbəri Nəsimi Paşayev məlumat verib.

Məlumatda bildirilir ki, M.Əliyev küçəsi 3126-27-ci məhəllədə inşa olunan piyada keçidi ətraf ərazidə yaşayan sakinlərin rahatlığını təmin etmək məqsədi daşıyır. Belə ki, sakinlər tikintisi davam edən "Dərnəgül" elektrik deposunun həyətindən keçən müvəqqəti yoldan istifadə edirdilər. Bu da xüsusilə yağışlı havada bir sıra çətinliklər yaradırdı. Gələcəkdə depo ərazisindən keçməyin mümkün olmayacağını və sakinlərin rahatlığını düşünən Bakı Metropoliteni rəhbərliyi yeraltı piyada keçidi tikmək haqqında qərar qəbul etmişdi.

Uzunluğu 154,36, eni 4, hündürlüyü isə 2,3 metr olan piyada keçidi artıq sakinlərin istifadəsinə verilib. Layihəsi "Bakı Metropoliteni" QSC nəzdində fəaliyyət göstərən "Bakımetrolayihə" İnstitutu tərəfindən hazırlanan piyada keçidi tikinti departamenti tərəfindən müasir standartlara cavab verən formada tikilib.

Milli.Az




Tags:  Bakı metrosunda yeni yeraltı keçid istifadəyə verildi FOTO

RƏYLƏR


Top news