Hazırda Bakı şəhərinin bəzi orta məktəblərində siniflərdə uşaqların sıxlığı normadan artıqdır. Bu da paytaxtın bir sıra ərazilərində müşahidə olunan əhali artımı ilə bağlıdır.
Bu barədə Publika.az-a Bakı şəhəri üzrə Təhsil İdarəsinin mətbuat xidmətindən məlumat verilib.
Məlumatda bildirilib ki, ümumilikdə, Bakı şəhərində bütün siniflər üzrə ən çox sıxlıq 95, 182, 179, 274, 149, 218, 313, 288 nömrəli tam orta məktəblərdədir.
İdarədən bildirilib ki, 2016-2017-ci tədris ilində Bakı şəhəri üzrə I sinfə şagird qəbulu üçün 7, 18, 20, 27, 60, 83, 149, 179, 182, 217, 218, 240, 270, 313, 322, 326 nömrəli məktəblərə müraciət daha çox olub.
Paytaxtın Sabunçu rayonunda şagird kontingenti daha çoxdur.
Gülxar
