Amerika işğalından sonra Əfqanıstan Avropaya çevrilmədi.
Əksinə, bu gün ölkənin vəziyyəti ürəkaçan deyil.
Publika.az xəbər verir ki, ABŞ-ın Əfqanıstana 2001-ci
ildən başlayaraq, 15 il ərzində xərclədiyi 110 milyard dolların da
taleyi müəmmalıdır.
Bu, II Dünya Müharibəsindən sonra dağılan Avropanın yenidən inşası
üçün hazırlanan Marşal planına xərclənən vəsaitdən iki dəfə çoxdur.
Lakin bütün bu pullar korrupsiya və yeyinti nəticəsində havaya
sovrulub.
Əfqanıstanın Yenidən İnşasına Nəzarət Qurumu (SİGAR) tərəfindən
hazırlanan hesabatda deyilir ki, ABŞ Əfqanıstanda narkotiklə
mübarizəyə 8 milyard dollardan çox pul xərcləyib. Lakin bu gün
ölkədə 2001-ci ildən əvvəlki ilə müqayisədə daha çox narkotik
istehsal olunur.
Bununla yanaşı, istifadə olunmayan təyyarələrə xərclənən pullar,
həmçinin, böyük layihələrdə korrupsiya faktları qeydə alınıb.
Asif
