Bakı. 4 oktyabr. REPORT.AZ/ Qazaxıstanda “Altay Invest-2016” İnvestisiya Forumu keçiriləcək.
Bu barədə “Report”a Azərbaycanda İxracın və İnvestisiyaların Təşviqi Fondundan (“Azpromo”) məlumat verilib.
Forum oktyabrın 20-21-də Ust-Kamenogorsk şəhərində baş tutacaq. Azərbaycanda müvafiq sahələrdə fəaliyyət göstərən iş adamları və sahibkarlar forumda iştiraka dəvətlidirlər.
Forum haqqında məlumat almaq və tədbirdə iştirak etmək istəyənlər “Azpromo”ya müraciət edə bilərlər.
