Aktual mövzular: Dollar alış-satışı , Hava haqqında, Məzənnə, Neftin qiyməti

Qadınlara söz atdı, qadınlarla oynayacaq

Qadınlara söz atdı, qadınlarla oynayacaq

Date: 5 October 2016 02:49

Çexiyanın "Sparta" klubunun rəhbərliyi qadınlar əleyhinə status yazmış oyunçuları Tomaş Koubek və Lukaş Vaçaya maraqlı cəza verib. Apasport.az saytının məlumatına görə, Praqa təmsilçisi hər iki futbolçunun klubun qadınlardan ibarət komandasında məşqə çıxacağını açıqlayıb.

 

Çexiya çempionatının son turunun "Brno" ilə oyununda (3:3) qadın yan xətt hakiminin ofsayd qərarına etiraz edən Koubek sosial şəbəkədəki hesabında "məncə, qadınlar mətbəxdə daha yararlıdı, kişilərin oyunlarında onlara təyinat verilməməlidi" yazmışdı. O, daha sonra sözlərinə görə üzr istəsə də, bu, onu məlum cəzadan xilas etməyib. Həmin oyundan sonra Koubeklə oxşar fikir bildirən Vaça da eyni cəzaya məruz qalıb.

 

"Sparta" klubu bu oyunçuların qadın komandasına göndərilməsiylə, xanımların mətbəxdən kənarda da yararlı olduqlarına yerində şahid olacaqlarını bildirib:

"Oyunçular qadın futbolçularla oynayacaq və onların mətbəxdən kənarda da özlərini ifadə edə bildiklərinin yerində şahidi olacaqlar".

 

Qeyd edək ki, 9 turdan sonra hesabında 16 xal olan "Sparta" 4-cü pillədə qərarlaşıb. Praqa təmsilçisi lider "Viktoriya"dan 6 xal geridədi.


Tags:  Qadınlara söz atdı qadınlarla oynayacaq


RƏYLƏR


Top news