"Yuventus" yanvarda Aksel Vitseli yenidən transfer etməyə çalışacaq. Bu barədə Turin klubuna yaxınlığı ilə bilinən "Tuttosport" məlumat yayıb.
Milli.Az goal.az-a istinadən xəbər verir ki, "qoca senyora" belçikalı havbekə görə 5-6 milyon avro təklif etməyi planlaşdırır. "Zenit" qışda da Vitseli komandada saxlasa, yayda onu azad agent kimi buraxmağa məcbur olacaq. Bu isə "Yuventus"un xeyrinə işləyən amildir. Seriya A çempionu ötən yay Vitsel üçün 18+3 milyon avro ödəməyə hazır olsa da, "piterlilər" transferin reallaşmasına əngəl törətmişdi.
Milli.Az
