Aktual mövzular: Dollar alış-satışı , Hava haqqında, Məzənnə, Neftin qiyməti

"Sarkisyan insan orqanlarının alveri ilə məşğul olur"

"Sarkisyan insan orqanlarının alveri ilə məşğul olur"

Date: 5 October 2016 10:17

Ermənistan silahlı qüvvələrinin əsgəri Artur Kazaryan 2010-cu il dekabrın 16-da Dağlıq Qarabağda, Hadrut rayonundakı 38401 saylı hərbi hissədə ölüb. Onu ölmüş vəziyyətdə Yerevandakı baş hərbi hospitala gətiriblər və anası İrina Kazaryana deyiblər ki, guya onun oğlu beynində qəfildən əmələ gələn şişdən ölüb.

Sonradan məlum olub ki, Kazaryanla birlikdə həmin hərbi hissədən hospitala daha 8 əsgərin meyidi gətirilib.

Kazaryanın ölüm faktı ilə bağlı guya istintaq aparan müstəntiq Sedrak Kazaryan 2011-ci ildə cinayət tərkibi olmadığını əsas gətirərək işin bağlanması haqda qərar qəbul edib.

Kazaryanın anası deyir ki, oğlunun meyidini yarmış ekspert Şota Vardanyan Arturun beynində heç bir şişin olmadığını bildirib və əlavə edib ki, onun boynunun arxasında küt alətlə yetirilən xəsarətin izi və yarası olub, hansı ki, beyinə qanaxmaya və sonda ölümə gətirib.

Milli.Az virtualaz-a istinadən bildirir ki, İrina Kazaryan deyir ki, o bunu dəqiqləşdirəndən sonra Ermənistan prezidentinə və baş prokuroruna, eləcə də İstintaq Komitəsinin başçısına təkrar istintaqın aparılması üçün müraciət edib. Ancaq onun bütün müraciətləri bu günədək cavabsız qalıb.

Baxmayaraq ki, Ermənistanda çoxları Hadrutda həlak olmuş o 9 nəfər əsgəri indi də xatırlayır, Müdafiə Nazirliyi bu faktı qəti şəkildə inkar edir: "Belə şey olmayıb, vəssalam!"

Kazaryanın anasının sözlərinə görə, vəziyyət hətta o yerə çatıb ki, həmin hadisə ilə bağlı bütün xəbərlər və xatırlatmalar sosial şəbəkələrdən və KİV-dən yığışdırılıb.

Amma İrina Kazaryan o hadisələrlə bağlı bir neçə materialın nüsxəsini çıxararaq disklərə köçürüb saxlaya bilib. Məsələn, onda müxtəlif deputatların və ictimai xadimlərin ayrı-ayrı vaxtlarda həmin hadisə ilə bağlı olan qeydləri, çıxışları var. Keçən il o, həmin qeydlərlə hətta artıq keçmiş müdafiə naziri Seyran Ohanyanın qəbuluna da düşə bilmişdi. Onun sözlərinə görə, Ohanyan həmin materiallara baxdıqdan sonra deyib: "Onlar sadəcə olaraq nəyisə qarışdırıblar. Bizdə heç vaxt belə hadisə olmayıb".

İrina Kazaryan sonradan ekspertdən onu da öyrənib ki, onun oğlunun bədənində boynunun arxasında ölümünə səbəb olan yaradan başqa digər xəsarətlər də olub. Belə ki, onun əl barmaqları sındırılıbmış. Ən dəhşətlisi isə odur ki, daxili orqanlarının bir neçəsi götürülübmüş.

Və budur, vəhşicəsinə öldürülmüş əsgərin anası bu gün Yerevanın "Respublika Meydanı"nda əlində oğlunun portretini tutaraq bəyan edir ki, Ermənistan ordusunun rəhbərliyi digər cinayətlərlə yanaşı, onun oğlu kimi özləri də bilmədən "donor" olanların orqanlarının satışı ilə də məşğul olurlar: "Və əgər Serj Sarkisyan orduya biznes, əsgərlərə isə məhsul-ət kimi baxırsa, buna təəccüblənmək lazım deyil".

Milli.Az


Tags:  Sarkisyan insan orqanlarının alveri məşğul olur

RƏYLƏR


Top news