Türkiyə bu ayın sonuna qədər Mosul əməliyyatına
başlayacaq.
Publika.az xəbər verir ki, ABŞ və Rusiyanın Suriyada sülh
müzakirələrinin dayanması Rakka əməliyyatını təxirə salıb.
Türkiyənin müdafiə naziri Fikri İşıq bildirib ki, Mosul
əməliyyatında mütləq iştirak edəcəklər: “Suriyada isə Əl-Baba qədər
gedəcəyik”.
Müdafiə nazirliyi detalları açıqlamaq istəməyib.
Hərbi mənbələr isə Türkiyənin Mosul əməliyyatının oktyabrın
20-dən sonra başlayacağını bildirirlər.
Türkiyə İraqdakı Başika düşərgəsində iki min peşmərgəyə və Mosulun
keçmiş valisi Nuceyfiyə bağlı olan sünni qrupu Haşdi Vataninin 3
min döyüşçüsünə təlim keçib.
Ankara Mosul əməliyyatında təlim keçdiyi bu 5 min əsgərin də yer
almasını istəyir.
Lakin Ankara Haşdi Vataninin rəqibi olan şiə qrupu Haşdi Şabinin
Mosul əməliyyatında iştirakını istəmir. ABŞ isə Türkiyəni təlim
keçdiyi Haşdi Vataninin Mahmurda bölgəsində təlim görən yerli
güclərlə birlikdə hərəkət etməsini istəyir. Haşdi Vataninin Türkiyə
ilə birlikdə təkbaşına hərəkət etməsini istəmir.
İki yol var, ikisi də mümkünsüzdür
Türkiyənin Suriyadakı kimi hərbi texnika ilə birlikdə əməliyyata
qatılması üçün iki yolu var.
1. BMT-nin qaydalarına uyğun olaraq, Bağdan hökumətinin müraciət
etməsi lazımdır.
Bağdad hökuməti isə buna qarşı çıxır. İraqın Xarici İşlər
Nazirliyinin sözçüsü Ahmet Cemal “İraqın daxili işlərindən,
xüsusilə Mosuldan əl çəkin” deyə Ankaraya sərt reaksiya verib.
Rəsmi Bağdad hətta Türkiyənin Başika düşərgəsini boşaltmasını tələb
edir.
2. Mosul əməliyyatı üçün koalisiya formalaşmalıdır. Lakin hazırki
vəziyyət bu, koalisiyanın formalaşmadığını göstərir. Bundan sonra
olacağı da şübhə altındadır.
Ankara gözlənilməz gediş edir
Ankaradakı mənbələr Türkiyənin üçüncü bir varianta əl atacağını
açıqlayıb.
“Şimali İraq Kürd Muxtariyyətinin lideri Bərzaninin dəvəti
ilə Mosula girəcəyik. Bərzaninin keçmişdə Bağdadla yaşadığı
problemlər Mosul əməliyyatından sonra daha da artacaq. Onun
Türkiyədən başqa alternativi olmadığı üçün bütün şərtlərdə dəvəti
göndərəcək”, - deyə mənbə bildirib.
Burada da bir problem var. Belə ki, Suriyadakı YPG-nin (PKK-nın
Suriya qolu olan PYD-nin silahlı qanadı) İraqdakı birliyi olan
Şengal Dirəniş Birliklərinin (YBŞ) Mosul əməliyyatında iştirakını
Ankara istəmir. Çünki onlar faktiki olaraq PKK-nın bir
qrupudur.
ABŞ və İraq hökuməti isə əməliyyatda YBŞ-nin iştirakında israr
edir.
Lakin bütün maneələrə rəğmən Türkiyənin Mosul əməliyyatını
gerçəkləşdirəcəyi gözlənilir.
Klintonun prezident seçilməsi üçün qurulan
plan
Ən maraqlı detallardan biri isə Rakka əməliyyatının təxirə
salınmasının səbəbidir.
Ankaradakı mənbə deyir ki, Rakka əməliyyatı ABŞ-da Demokratlar
Partiyasının namizədi Hillari Klintonun prezident seçkilərini
qazanmasını təmin etmək üçün qurulan plan idi. Rusiya bunu bildiyi
üçün planı pozdu.
Yaxın Şərqdə kartlar yenidən qarışdı. Bu isə bölgədə hərbi
toqquşmaları artıracaq.
Asif Nərimanlı