8 ildir atası tərəfindən əqli qüsurlu olduğuna görə, İmişli rayonunda daxmada zəncirlənərək saxlanılan Pərvanə paytaxta gətirilir.
Bu barədə Publika.az-a İmişli rayon İcra Hakimiyyətinin Yetkinlik yaşına çatmayanların işləri və hüquqlarının müdafiəsi üzrə kоmissiyanın məsul katibi Rüfət Muradov məlumat verib.
O bildirib ki, əvvəlcə yerli icra nümayəndələri və icra hakimiyyəti əməkdaşları tərəfindən ata ilə danışıqlar aparılıb. Lakin o qızının hər hansı xəstəxanaya yerləşdirilməsinə razı olmayıb: “Aparılan danışıqlardan sonra qızın paytaxtda xəstəxanalardan birinə yerləşdirilməsinə razılıq verilib. Qeyd edək ki, həmin qızın 28 yaşı var”.
Qeyd edək ki, bu fakt Xəzər televiziyasında yayımlanan ''Bizə danış'' proqramının əməkdaşları tərəfindən aşkar edib.
