Azərbaycanda daha bir qeyri-bank təşkilatının lisenziyası ləğv edilib

Azərbaycanda daha bir qeyri-bank təşkilatının lisenziyası ləğv edilib
14:37 5 Oktyabr 2016
Ölkə mətbuatı
A- A+

Bakı. 5 oktyabr. REPORT.AZ/ Maliyyə Bazarlarına Nəzarət Palatası (MBNP) Direktorlar Şurasının qərarı ilə “Naxçıvan Kredit” bank olmayan kredit təşkilatı (BOKT) MMC-nin kreditlərin ayrılması üçün verilmiş lisenziyası müraciəti əsasında ləğv edilib.
Bu barədə "Report"a Palatadan bildirilib.
Məlumata görə, BOKT-un təsisçilərinin ümumi yığıncağı tərəfindən onun könüllü ləğvinə dair qərar qəbul edilib və bununla əlaqədar olaraq MBNP-yə müraciət olunub. “Bank olmayan kredit təşkilatları haqqında” qanun və Palatanın Nizamnaməsi rəhbər tutularaq BOKT-un 6 iyul 2006-cı il tarixli lisenziyası ləğv edilib.
Palatanın Direktorlar Şurasının digər qərarı ilə poçt rabitəsinin milli operatoru olan “Azərpoçt” MMC-nin 7 şöbəsinə əsasnamələri ilə nəzərdə tutulmuş maliyyə xidmətlərinin həyata keçirilməsi üçün icazələr verilib. 

Xəbərin orijinal ünvanı: http://report.az/maliyye/azerbaycanda-daha-bir-qeyri-bank-teskilatinin-lisenziyasi-legv-edilib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR