Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Cahangir Hacıyevə son söz üçün neçə gün vaxt verildi? - MƏHKƏMƏDƏN

Cahangir Hacıyevə son söz üçün neçə gün vaxt verildi? - MƏHKƏMƏDƏN

Date: 5 October 2016 14:49

 

Cahangir Hacıyev son sözə vaxt istədi: "17 ilə görə 1 həftə.."

 

Bu gün “Azərbaycan Beynəlxalq Bankı” Açıq Səhmdar Cəmiyyətinin İdarə Heyətinin sabiq sədri Cahangir Hacıyev və onunla birlikdə təqsirləndirilən digər 7 nəfərin cinayət işi üzrə məhkəmə davam edib.

 

Lent.az-ın məlumatına görə, Bakı Ağır Cinayətlər Məhkəməsində hakim Əfqan Hacıyevin sədrliyi ilə keçirilən prosesdə "İnterSecurity" mühafizə şirkətinin rəhbəri, təqsirləndirilən İbrahim Hüseynovun vəkili Azər Tağıyev müdafiə çıxış edib. O, çıxışında bildirib ki, təqsirləndirilən şəxslərə verilən ittihamlar əsassızdır: “İbrahim Hüseynova mənimsəmə ilə bağlı verilən ittiham doğru deyil, çünki İbrahim müəllim vəzifəli şəxs olmayıb və Beynəlxalq Bankla heç bir bağlılığı yoxdur”.

 

Vəkil çıxışında İbrahim Hüseynovun əvvəllər MTN əməkdaşını olduğunu, xidmətlərini və azyaşlı uşağının nəzərə alınmasını istəyib. O, hüquqlarını müdafiə etdiyi şəxsə bəraət hökmünün çıxarılmasını istəyib.

 

Prokuror replika hüquqdan istifadə edərək təqsirləndirilən şəxslərin vəkillərinin çıxışlarına münasibət bildirib. Dövlət ittihamçısı Fərid Nağıyev çıxışında bildirib ki, Cahangir Hacıyevin ailə üzvlərinin xarici ölkələrdə otellərə, bahalı mağazalara və s. yerlərə limitsiz kartlarla ödəniş etdiyi ilə bağlı sənədlər var: "Zamirə Hacıyeva heç bir biznes plan təqdim etmədən ona külli miqdarda kredit ayrılıb. Amma başqalarına həmin kreditlərin ayrılması mümkün deyil. Cahangir Hacıyevin vəkilləri deyir ki, lahiyələr hamısı gəlir gətirirdi. Lahiyələr gəlir gətirirdisə, 2008-ci ildə alınan kreditlər niyə hələ də ödənilməyib?".

 

Vəkil Aqil Layicov bildirib ki, Cahangir Hacıyevin ailə üzvlərinin xərclədiyi pul 1 milyon manatı keçməyib: "Cahangir Hacıyevin yüksək maaşı olub və öz hesabı ilə bu xərcləri ödəyə bilərdi".

 

Bundan sonra təqsirləndirilən şəxslər son söz deyiblər.

 

Təqsirləndirilən Azad Cavadov çıxış edərək vəkilin dediklərini təsdiqləyib.

 

Anar Sultanov isə bildirib ki,  pulu yeyən bəllidir: "Təqsirim yoxdur".

 

Kənan Orucov, Məmməd Cahamgirov, İlqar Abdullayev, Yusif Ələkbərov ittihamın əsassız olduğunu bildiriblər: “Biz rəhbərliyin göstərişlərini yerinə yetirmişik. Pulun hara getdiyindən xəbərsizik".

 

Cahangir Hacıyev və İbrahim Hüseynov söz üçün məhkəmədən bir həftə vaxt istəyib.

 

Hakim bildirib ki, 1 həftə çoxdur.

 

Cahangir Hacıyev replika ilə çıxış edib : “17 il iş istəmisiniz, heç olmasa, bir həftə vaxt verərdiniz”.

 

Proses oktyabrın 10-da davam edəcək.

 

Qeyd edək ki, C. Hacıyev, Beynəlxalq Bankın Mərkəzi filialının direktoru vəzifəsindən işləmiş Anar Sultanov, bankın Mərkəzi filialın müdiri işləmiş İlqar Abduallayev, “İnter Security” MMC-nin direktoru işləmiş İbrahim Hüseynov, Mərkəzi filialın direktoru işləmiş Yusif Ələkbərov, bankın Nəqliyyat filialının direktoru işləmiş Kənan Orucov, bankın Nərimanov filialının direktoru işləmiş, hazırda AFB Bankın sədri olan Məmməd Cahangirov və Bakı Fındıq Zavodunun direktoru işləmiş Azad Cavadov Cinayət Məcəlləsinin 179.3.1, 179.3.2 (mütəşəkkil dəstə tərəfindən külli miqdarda mənimsəmə), 308.2 (vəzifə səlahiyyətlərindən sui-istifadə ağır nəticələrə səbəb olduqda), 309.2 (vəzifə səlahiyyətlərini aşma ağır nəticələrə səbəb olduqda), 313-cü (vəzifə saxtakarlığı), 228.1 və 228.4-cü (qanunsuz silah) ittiham verilib.

 


Tags:  Cahangir Hacıyevə son söz neçə gün vaxt verildi MƏHKƏMƏDƏN


RƏYLƏR


Top news