Aktual mövzular: Dollar alış-satışı , Hava, Məzənnə, Neftin qiyməti

"SOCAR-AQŞ" MMC "Günəşli" yatağında növbəti quyuda qazma işlərinə başlayıb

"SOCAR-AQŞ" MMC "Günəşli" yatağında növbəti quyuda qazma işlərinə başlayıb

“Günəşli” yatağında daha bir quyu istismara verilib (15 Mart 2017 11:32)
“Səadan” yatağında yeni quyu istismara verilib (14 Mart 2017 12:02)
“Neft Daşları” yatağında yeni quyu qazılır (13 Mart 2017 15:42)

Tarix: 5 Oktyabr 2016 15:12

Bakı. 5 oktyabr. REPORT.AZ/ "SOCAR-AQŞ" şirkəti "Günəşli" yatağında növbəti quyuda qazma işlərinə start verib. Müəssisə “Günəşli’’ yatağındakı 7 saylı stasionar dəniz özülündən 317 saylı quyuda qazma işlərinə başlayıb. Bu barədə “Report”a şirkətdən məlumat verilib.
Məlumatda deyilir ki, 317 saylı quyunun Fasilə Lay Dəstəsinə (FLD) qazılması planlaşdırılır və quyunun layihə dərinliyi 2 850 metr təşkil edir. Sifarişçi SOCAR-ın “Azneft” İstehsalat Birliyidir.
"SOCAR-AQŞ" MMC inteqrə olunmuş qazma və quyu xidmətləri göstərən birgə müəssisə kimi SOCAR və “Abşeron Qazma” şirkəti tərəfindən 2007-ci ildə təsis edilib. Müəssisənin əsas fəaliyyəti quyuların layihələndirilməsi və planlaşdırılması, neft və qaz quyularının qazılması, maili istiqamətləndirilmiş quyuların qazılması, horizontal quyuların qazılması, quyuların mənimsənilməsi, quyuların əsaslı təmiri, yan lülələrin qazılması və çoxşaxəli quyuların qazılması ilə bağlı iş və xidmətlərin təqdim edilməsindən ibarətdir.
Hazırda "SOCAR-AQŞ" dayazsulu "Günəşli" yatağında yerləşən 7 və 11 saylı, "Ümid" yatağının 1 saylı, "Qərbi Abşeron" yatağının 20 saylı və "Bulla" yatağının 6 saylı Dərin Dəniz Stasionar Özüllərində (DDSÖ) qazma işləri aparır.

Teqlər:  SOCAR-AQŞ MMC Günəşli yatağında növbəti quyuda qazma işlərinə başlayıb



RƏYLƏR


Top xəbərlər