Aktual mövzular: Dollar alış-satışı , Hava, Məzənnə, Neftin qiyməti

SOCAR Bolqarıstanın yeraltı qaz anbarlarının genişləndirilməsi üçün təkliflər verməyə hazırlaşır

SOCAR Bolqarıstanın yeraltı qaz anbarlarının genişləndirilməsi üçün təkliflər verməyə hazırlaşır

Türkiyənin tanınmış aktyoru iranlı sənətçiləri məhkəməyə verməyə hazırlaşır (28 Fevral 2017 15:17)
Bu günə qədər qaz anbarlarından 1,9 mlrd. kubmetr qaz çıxarılıb (20 Fevral 2017 18:07)
Nazir: "Bolqarıstan SOCAR-ı özünün neft məhsulları bazarında görmək istəyir" (20 Fevral 2017 16:42)

Tarix: 5 Oktyabr 2016 15:32

Bakı. 5 oktyabr. REPORT.AZ/ Azərbaycan Dövlət Neft Şirkəti (SOCAR) Bolqarıstanın yeraltı qaz anbarlarının (UGS) genişləndirilməsi layihəsində iştirakda maraqlıdır. “Report” xəbər verir ki, bu barədə Bolqarıstan Energetika Nazirliyindən bildirilib.
“Report”un “Natural Gas Europe” nəşrinə istinadən verdiyi xəbərə görə, ölkənin Çiren (Chiren) ərazisində yerləşən yeraltı qaz anbarının (UGS) həcmi 550 mln. kubmetrdir və bolqar nazir bildirib ki, bu həcm iki dəfəyə qədər artırıla bilər.
“SOCAR Balkan”ın rəhbəri Murad Heydərov da məsələni təsdiqləyib: “Biz bu UGS-nin genişləndirilməsi işində iştirak etməkdə maraqlıyıq və tender elanını gözləyirik”.
Bolqarıstan energetika naziri deyib ki, SOCAR həmçinin IGB (İnterconnectors Greece-Bulgaria - IGB) layihəsində maraqlıdır və şirkət gündəlik 50 mln. kubmetr qazla təmin edə bilər.
Bolqarıstanın energetika nazirinin müavini Zeço Stankov (Zhecho Stankov) isə deyib ki, təmsil etdiyi ölkənin “Şahdəniz 2”dən 1 mlrd. kubmetr qaz almağı planlaşdırır və bununla bağlı danışıqlar gedir:
“Biz bu məsələnin müzakirəsi ilə bağlı razılıq əldə etdik və Bolqarıstan Energetika Nazirliyi ilə SOCAR-ın yaratdığı ortaq neft-qaz işçi qrupu bu məsələnin detallarını müzakirə edəcək”.

Teqlər:  SOCAR Bolqarıstanın yeraltı qaz anbarlarının genişləndirilməsi təkliflər verməyə hazırlaşır



RƏYLƏR


Top xəbərlər