Bakıda universitet tələbəsi bıçaqlanıb. Lent.az Report-a istinadən xəbər verir ki, hadisə Binəqədi rayonunda qeydə alınıb.
Məlumata görə, Dərnəgül qəsəbəsi A.Gəraybəyli küçəsi 25-də yerləşən Azərbaycan Dövlət İqtisad Universitetinin (UNEC) 2 saylı yataqxanasında yaşayan Sənan Quliyev döş nahiyəsindən bıçaq xəsarəti alıb.
Yaralı 1 saylı Kliniki Tibbi Mərkəzə yerləşdirilib.
S.Quliyevi kimin bıçaqladığı hələlik məlum deyil.
Faktla bağlı istintaq davam etdirilir.
