Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Nazirlikdən Günəşlidə ağacların kəsilməsi xəbərinə REAKSİYA

Nazirlikdən Günəşlidə ağacların kəsilməsi xəbərinə REAKSİYA

Date: 5 October 2016 20:32

Son günlərdə Günəşli qəsəbəsində 275 və 279 saylı orta məktəblərin yaxınlığında yerləşən parkın ərazisindəki ağacların kəsilməsi faktına rast gəlinməyib.

Milli.Az xəbər verir ki, bu sözləri "Bizim Yol"a Ekologiya və Təbii Sərvətlər Nazirliyinin (ETSN) Ətraf Mühitin Mühafizəsi Departamentinin Hüquq şöbəsinin əməkdaşı Çingiz Nəcəfov bildirib.

Onun sözlərinə görə, sözügedən parkda ağacların kəsilməsi faktına sonuncu dəfə bu ilin may ayında rast gəlinib: "Suraxanı Rayon Polis İdarəsinin 33-cü Polis Bölməsinin təhqiqatçısı tərəfindən aparılan araşdırma zamanı ağacları Əmrahov Elçin Əziz oğlunun kəsdiyi müəyyən olunub. Həmin şəxs tərəfimizdən iyun ayında inzibati qaydada 2200 manat cərimə edilib".

Ç.Nəcəfov qeyd edib ki, hazırda ərazi nəzarət altındadır: "Bu gün də əməkdaşlarımız ərazidə olublar, ağacların kəsilməsi faktına rast gəlinməyib".

Qeyd edək ki, bu gün saat 10.00 radələrində Günəşli qəsəbəsində bir qrup sakin 275 və 279 saylı orta məktəblərin yaxınlığında yerləşən parkın ərazisindəki ağacların kəsilməsinə etiraz edib.

Milli.Az


Tags:  Nazirlikdən Günəşlidə ağacların kəsilməsi xəbərinə REAKSİYA

RƏYLƏR


Top news