Bakı. 5 oktyabr. REPORT.AZ/ BMT-nin yeni baş katibinin adı məlum olub.
"Report" "Milliyet" qəzetinə istinadən xəbər verir ki, BMT Təhlükəsizlik Şurasının üzvləri Portuqaliyanın keçmiş baş naziri Antoniu Quttereşin namizədliyinin dəstəklənməsi məsələsində razılığa gəliblər.
Məlumata görə, oktyabrın 6-da baş tutacaq seçkilərdə Antoniu Quttereş BMT baş katibi postuna əsas namizəddir.
Qeyd edək ki, A.Quterreş 1995-2002-ci illərdə Portuqaliyanın baş naziri, 1999-2005-ci illərdə "Sosialist İnternasional"ın sədri olub, 2005-2015-ci illərdə isə BMT-nin Qaçqınlar İşi üzrə Ali Komissarlığında işləyib.