Slovakiya Respublikasının birinci prezidenti olmuş Mixal Kovaç Bratislavada dünyasını dəyişib.
Bu barədə TASS agentliyi Slovakiya radiosuna istinadla məlumat yayıb. Mixal Kovaçın ürək tutmasından vəfat etdiyi bildirilir.
1993-1998-ci illərdə yüksək dövlət postunda çalışmış sabiq prezident uzun müddət Parkinson xəstəliyindən əziyyət çəkib. O, sentyabrına 30-da ağır vəziyyətdə xəstəxanaya yerləşdirilib.
Mixal Kovaç 1930-cu il avqustun 5-də dünyaya gəlib. 1989-cu ildə baş verən inqilabdan sonra o, Slovakiyanın maliyyə naziri təyin edilib, 1992-ci ilin iyununda isə ÇSFR-in federal parlamentinin spikeri olub. Ölkə iki müstəqil dövlətə bölündükdən sonra Mixal Kovaç Slovakiyanın ilk prezidenti seçilib.