Birləşmiş Millətlər Təşkilatının (BMT) yeni baş katibinin adı açıqlanıb.
Publika.az xarici mediaya istinadən xəbər verir ki, bu, Portuqaliyanın sabiq baş naziri Antonio Guterresdir.
Antonio Guterres BMT-nin Qaçqınlar üzrə Ali komissarı vəzifəsini icra edir.
Avropa mediasının diplomatik mənbəyə istinadən yaydığı məlumata görə, Antonio Guterresin BMT-nin yen baş katibi seçilməsi ilə bağlı razılıq əldə olunub.
Məlumatda deyilir ki, Antonio Guterres yeni vəzifəsinə 2017-ci il yanvarın 1-dən başlayacaq.
Xatırladaq ki, BMT-nin hazırkı, sayca səkkizinci baş katibi əslən Cənubi Koreyalı olan Pan Gi Mundur. Səlahiyyətlərinin icrasına 2007-ci il yanvarın 1-dən başlayan Pan Gi Mun bu vəzifədə qanalı Kofi Annanı əvəz edib.
Vasif Həsənli