Aktual mövzular: Dollar alış-satışı , Hava haqqında, Məzənnə, Neftin qiyməti

"Dostluq" parkını satanlar şikayətçidir

"Dostluq" parkını satanlar şikayətçidir

Date: 6 October 2016 11:09

"Dostluq" parkının ərazisindəki torpaq sahələrinin alqı-satqısını qanunsuz olaraq həyata keçirməkdə təqsirləndirilən Famil Quliyev, Etibar Məmmədov və Tərlan Hüseynov barələrində birinci instansiya məhkəməsinin hökmündən şikayət verilib.

 

Lent.az-a bu barədə vəkil İlhamə Həsənova məlumat verib. O, bildirib ki, bununla bağlı şikayət artıq Bakı Apellyasiya Məhkəməsinə təqdim edilib.

 

Qeyd edək ki, "Dostluq" parkında qanunsuz tikilən villaların sökülməsi ilə bağlı Prezident İlham Əliyev ötən il keçirdiyi müşavirədə Bakı Şəhər İcra Hakimiyyətinin başçısı Hacıbala Abutalıbova tapşırıq verib. Tapşırığa əsasən, həmin parkdakı villaların sökülməsinə başlanılıb. Bundan sonra cinayət işi başlanılıb və Bakı Şəhər Baş Polis İdarəsi (BŞBPİ) əməkdaşları 1972-ci il təvəllüdlü Hüseynov Tərlan Kərim oğlunu istintaqa cəlb ediblər. T.Hüseynov barəsində BŞBPİ-nin İstintaq İdarəsində Cinayət Məcəlləsinin 178.3.2 (dələduzluq, külli miqdarda ziyan vurmaqla törədildikdə) maddəsi ilə cinayət işi başlanılıb. Xətai rayon Məhkəməsinin qərarı ilə T.Hüseynov barəsində 3 ay müddətinə həbs-qətimkan seçilib. Daha sonra 7 saylı Mənzil Kommunal İstismar Sahəsinin (MKİS) rəisi Quliyev Famil Əhməd oğlu və Səbail rayonu Bibiheybət bələdiyyəsinin baş memarı Etibar Məmmədov tutulub. Bakı Ağır Cinayətlər Məhkəməsinin hökmü ilə Etibar Məmmədov və Tərlan Hüseynov 7il 6 ay 7 Famil Quliyev 7 il müddətinə azadlıqdan məhrum edilib.

 


Tags:  Dostluq parkını satanlar şikayətçidir


RƏYLƏR


Top news