Aktual mövzular: Dollar alış-satışı , Hava haqqında, Məzənnə, Neftin qiyməti

Jurnalist Xədicə İsmayıl ölkədən çıxmaq üçün məhkəməyə müraciət edib

Jurnalist Xədicə İsmayıl ölkədən çıxmaq üçün məhkəməyə müraciət edib

Date: 6 October 2016 11:42

Bakı. 6 oktyabr. REPORT.AZ/ Jurnalist Xədicə İsmayıl sınaq müddəti dövründə Azərbaycan Respublikası hüdudlarından çıxışına qoyulan qadağanın götürülməsi üçün məhkəməyə müraciət edib.

Bu barədə "Report"a vəkil Yalçın İmanov məlumat verib.

Vəkil bildirib ki, X.İsmayıl beynəlxalq konfransada iştirak etmək üçün ölkədən çıxmaq istəyir. Bunun üçün o, Binəqədi Rayon Məhkəməsinə müraciət edib.

Qeyd edək ki, 2014-cü ilin dekabrında həbs edilən X.İsmayıl Cinayət Məcəlləsinin 179.3.2 (mənimsəmə və israf etmə - külli miqdarda törədildikdə), 192.2.2 (qanunsuz sahibkarlıq), 213.1 (vergi ödəməkdən yayınma) və 308.2-ci (vəzifə səlahiyyətlərindən sui-istifadə) maddələri ilə ittiham olunub. O, Bakı Ağır Cinayətlər Məhkəməsinin hökmü ilə 7 il 5 ay müddətinə azadlıqdan məhrum edilib. Hökmdən narazı qalan X.İsmayıl apellyasiya şikayəti verib. Bakı Apellyasiya Məhkəməsi şikayəti təmin etməyib. Mayın 25-də Ali Məhkəmə X.İsmayıla 3 il 6 ay şərti həbs cəzası verilməklə azadlığa buraxılması haqda qərar qəbul edib və o, azadlığa buraxılıb. Xatırladaq ki, daha əvvəl də X.İsmayıl sınaq müddəti dövründə Azərbaycan Respublikası hüdudlarından çıxışına qoyulan qadağanın götürülməsinə dair Binəqədi Rayon Məhkəməsinə müraciət edib. Məhkəmə jurnalistin şikayətini təmin etməyib. O, həmin qərardan apellyasiya şikayəti verib. Bakı Apellyasiya Məhkəməsi də şikayəti təmin etməyib.



Tags:  Jurnalist Xədicə İsmayıl ölkədən çıxmaq məhkəməyə müraciət edib

RƏYLƏR


Top news