Aktual mövzular: Dollar alış-satışı , Hava haqqında, Məzənnə, Neftin qiyməti

Şəkidə dələduzluqla məşğul olan "polislər" tutuldular

Şəkidə dələduzluqla məşğul olan "polislər" tutuldular

Date: 6 October 2016 12:37

Özlərini polis əməkdaşı kimi təqdim edən Gəncə şəhər sakinləri tutulublar.

Milli.Az DİN-ə istinadən bildirir ki, oktyabrın 4-də Şəki rayonunun Aşağı Göynük kəndində rayon sakini Sərvan Rəsulova məxsus mağazaya gələrək özlərini polis əməkdaşı kimi təqdim edən 3 nəfər ona məxsus "VAZ-21099" markalı avtomobili aparıb.

Şəki ŞRPŞ əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Gəncə şəhər sakinləri Hüseyn Hüseynov və Rəfael Qoçayev tutulublar, digər şəxs isə müəyyən edilib.

Avtomobil sahibinə qaytarılıb.

Araşdırmalar zamanı cari il sentyabrın 14-də H.Hüseynovun soyğunçuluq yolu ilə Sərvandan 192 manat, habelə 2015-ci ilin iyul ayında H.Hüseynovun və S.Məhərrəmovanın Sərvanın qardaşı Sərxandan 50 manat və 20 litr benzin almaları da müəyyən edilib.

Faktla bağlı Cinayət Məcəlləsinin 180-ci (soyğunçuluq) maddəsi ilə cinayət işi başlanıb.

Şəki ŞRPŞ tərəfindən əməliyyat-axtarış tədbirləri aparılır.

Milli.Az


Tags:  Şəkidə dələduzluqla məşğul olan polislər tutuldular

RƏYLƏR


Top news