Aktual mövzular: Dollar alış-satışı , 20 Yanvar, Məzənnə, Hava haqqında, Neftin qiyməti

Sərdar Cəlaloğlu: “Oktyabrın 18-ni müstəqillik günü saymıram”

Sərdar Cəlaloğlu: “Oktyabrın 18-ni müstəqillik günü saymıram”

Date: 6 October 2016 13:08

Azərbaycan Demokrat Partiyasının (ADP) sədri Sərdar Cəlaloğlu millət vəkili Fazil Mustafanın Azərbaycanın Müstəqillik Günü tarixinin 1991-ci il dekabrın 29-dan hesablanması barədə səsləndirdiyi təklifə münasibət bildirib.

S.Cəlaloğlu Publika.az-a açıqlamasında deyib ki, Azərbaycanın Müstəqillik Günü tarixinin 1991-ci il və digər tarixlərdən hesablanması düzgün deyil:

“Azərbaycanın dövlət müstəqilliyi tarixinin 1991-ci ildən hesablanması doğru deyil. Azərbaycanın müstəqilliyi bir dəfə olmayıb ki, 1991-ci ilin 28 dekabrından götürək. Bu, təkrarlanan proses olub. Əgər Azərbaycan Demokratik Cümhuriyyətini 28 may 1918-ci ildə yartmışıqsa, o zaman müstəqillik tariximiz də məhz həmin tarixdən götürülməlidir”.

S.Cəlaloğlu qeyd edib ki, Azərbaycan 1918-ci ildə rus işğalından azad olaraq, öz müstəqilliyini elan edib:

“Sonra isə rus yenidən Azərbaycanı işğal edib və 1991-ci ildə ikinci dəfə azadlıq qazanmışıq. Ona görə də Azərbaycanın müstəqilik günü mayın 28-dən hesablanmalıdır. Bunu təkcə mən demirəm. Azərbaycanın tarixi də deyir ki, 1918-ci il mayın 28-də Azərbaycan Demokratik Cümhuriyyəti öz müstəqilliyini qazanıb. 1991-ci ildə ikinci dəfə müstəqil olan Azərbaycan Respublikası da məhz Azərbaycan Demokratik Cümhuriyyətinin varisidir. Şəxsən mən 1991-ci il oktyabrın 18-i tarixini müstəqillik günü hesab etmirəm. Bu, Konstitusiya Aktı Günüdür. Azərbaycanın Müstəqillik Günü 1918-ci il 28 may tarixidir”.

Fazil Mustafadan TƏKLİF: “Müstəqillik Gününün tarixi dəyişdirilsin”

“Azərbaycanın Müstəqillik Günü tarixi 1991-ci il dekabrın 29-dan hesablanmalıdır”.

Vasif Həsənli


Tags:  Sərdar Cəlaloğlu Oktyabrın 18-ni müstəqillik günü saymıram


RƏYLƏR


Top news