Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Bakıda "Həbsxanalarda təhlükəsizlik məsələləri ilə bağlı təcrübənin bölüşməsi" mövzusunda seminar keçirilir

Bakıda "Həbsxanalarda təhlükəsizlik məsələləri ilə bağlı təcrübənin bölüşməsi" mövzusunda seminar keçirilir

Date: 6 October 2016 13:17

Bakı. 6 oktyabr. REPORT.AZ/ Beynəlxalq Qızıl Xaç Komitəsinin (BQXK) Azərbaycandakı Nümayəndəliyi və Ədliyyə Nazirliyinin təşkilatçılığı ilə "Həbsxanalarda təhlükəsizlik məsələləri ilə bağlı təcrübənin bölüşməsi" mövzusunda seminar keçirilir.
BQXK-nın Azərbaycandakı Nümayəndəliyindən "Report"a verilən məlumata görə, Penitensiar Xidmətin məhbusların idarə olunmasında və təhlükəsizlik məsələləri ilə məşğul olan orta rütbəli 15 əməkdaşı və Ədliyyə Akademiyasının təlimçiləri müvafiq beynəlxalq standartlar barədə biliklərini artırmaq və təcrübələrini bölüşmək üçün tədbirə qatılırlar. 
"Biz bu tədbiri qiymətləndiririk və təlimçi milli ekspertlərin Ədliyyə Akademiyasında keçirilən ixtisasa buraxılış və ixtisası artırma kurslarına gələcəkdə cəlb edilməsi nəzərdə tutulur”, - deyə Ədliyyə Akademiyasının prorektoru Elçin Xələfov bildirib.
Penitensiar Xidmətin rəis müavini, general-mayor Hüseyn Əlixanov BQXK və Penitensiar Xidmət arasındakı əməkdaşlığın genişləndirilməsinin vacibliyini xüsusilə vurğulayıb. 
Azərbaycanda ilk dəfə təşkil olunan kurs Ədliyyə Akademiyasında keçirilir. 
Azərbaycan hökuməti və BQXK arasında imzalanmış sazişə əsasən, təşkilatın nümayəndələri Bakıda və Azərbaycanın müxtəlif regionlarında yerləşən saxlanma yerlərinə başçəkmələr həyata keçirirlər.
Tədbir iki gün davam edəcək. 

Tags:  Bakıda Həbsxanalarda təhlükəsizlik məsələləri bağlı təcrübənin bölüşməsi mövzusunda seminar keçirilir


RƏYLƏR


Top news