Bu gün əməkdar artist Almaz Ələsgərlinin ad günüdür.
50 yaşını qeyd edən müğənni təəssüratlarını Axşam.az-la bölüşüb. O bildirib ki, özəl gününü ailə üzvləri ilə birlikdə qeyd edəcək:
“İlk təbriki qızlarımdan aldım. Qapalı məclis edəcəm. Ad günümü ailə üzvlərim və qohumlarımın əhatəsində keçirəcəyəm".
A.Ələsgərli 1985 – 1990-cı illərdə Azərbaycan Dövlət İncəsənət İnstitutunun «Musiqili komediya aktyoru» fakültəsində təhsil alıb. Sonralar o, R.Behbudov adına Mahnı Teatrında və Azərbaycan Dövlət Musiqili Komediya Teatrında çalışıb. Hal-hazırda Musiqi Teatrda işləyir.
1985-ci ildə A.Ələsgərova «Bakı payızı-85» estrada artistləri müsabiqəsinin diplomantı adına layiq görülüb, 1988-ci ildə «Bakı payızı-88» estrada artistləri müsabiqəsinin laureatı olub. 1999-cu ildə o, Qırğızıstanın Oş şəhərində keçirilən «Oştun azem tündörü» festivalının qalibi olub.
Əminə və Mədinə adlı iki övladı var.
