Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

“Borucumu verdim” – Namaz qılarkən oğurluq etdi

“Borucumu verdim” – Namaz qılarkən oğurluq etdi

Date: 6 October 2016 15:19

Əslən Ağdam rayonundan olan 61 yaşlı Yaşar Kərimovun etdiyi oğurluq hadisəsinin üstü açılıb.

 

Lent.az ARB TV-yə istinadən xəbər verir ki, səhər saatlarında Xırdalan şəhərində yerləşən Cümə məscidinə gedən Yaşar Kərimov, yolda onunla ibadətə gedən İlham Məmmədovla rastlaşıb.

 

Məscidə getdikdən sonra isə, Kərimov onun gödəkcəsinin cibindən 3500 AZN pulu götürərək, oranı tərk edib.

 

Oğurluğun səbəbinə isə o, belə açıqlayır: “2 il bundan əvvəl ürəyimdən əməliyyat olundum. Bir dənə yoldaş var, qohum idi. O mənə borc pul verdi. Sonra bu adam borcunu istədikdə, mən məsciddə namaz qılırdım. Gödəkcəmi asanda, gördüm vətəndaşın cibində pul var. Götürüb aparıb borcumu verdim”.

 

Hadisədən dərhal sonra, zərərçəkən İlham Məmmədov Abşeron polis idarəsinə müraciət edib. Məsciddə araşdırmalar aparan əməliyyatçılar orada olan müşahidə kameralarına baxış keçiriblər. Aydın olub ki, oğurluğu törədən Yaşar Kərimovdur.

 

Faktla bağlı araşdırmalara başlanılıb.




Tags:  Borucumu verdim Namaz qılarkən oğurluq etdi


RƏYLƏR


Top news