Aktual mövzular: Dollar alış-satışı , Hava haqqında, Məzənnə, Neftin qiyməti

8 il tövlədə zəncirlənərək saxlanılan qızla bağlı CİNAYƏT İŞİ AÇILDI

8 il tövlədə zəncirlənərək saxlanılan qızla bağlı CİNAYƏT İŞİ AÇILDI

Date: 6 October 2016 16:54

İmişl rayonunda atanın qızını zəncirləyərək evdə saxlaması faktı ilə bağlı cinayət işi başlanıb.

Daxili İşlər Nazirliyinin mətbuat xidmətindən APA-nın sorğusuna cavab olaraq bildirilib ki, İmişli rayon Polis Şöbəsi və rayon Prokurorluğunun əməkdaşlarından ibarət istintaq-əməliyyat qrupu hadisə yerində olub, hadisə yeri müayinə olunub və müvafiq ekspertizalar təyin edilib. Hadisədə adı hallanan Cavadxanlı kənd sakini Valeh Məmmədovun və digər kənd sakinlərinin izahatları alınıb.

 

Faktla bağlı İmişli rayon Prokurorluğunda Cinayət Məcəlləsinin 145.1-ci (qanunsuz azadlıqdan məhrum etmə) maddəsi ilə cinayət işi başlanıb, zəruri istintaq hərəkətləri davam etdirilir.

 

Qeyd edək ki, faktla bağlı “Xəzər” televiziyasında yayımlanan ''Bizə danış'' proqramında məlumat verilib. Proqramda İmişli rayonunun Cavadxanlı kənd sakini Valeh Məmmədovun qızlarını 8 il tövlədə zəncirləyərək saxlaması barədə süjet yayımlanıb. Bildirilib ki, qızlardan biri soyuqdan vəfat edib, digərinin isə ayaqları tutulub.


Tags:  il tövlədə zəncirlənərək saxlanılan qızla bağlı CİNAYƏT İŞİ AÇILDI


RƏYLƏR


Top news