Aktual mövzular: Dollar alış-satışı , Hava haqqında, Məzənnə, Neftin qiyməti

Bu obyektlər Xəzər sahilində ekoloji tarazlığı pozur - SİYAHI

Bu obyektlər Xəzər sahilində ekoloji tarazlığı pozur - SİYAHI

Date: 6 October 2016 17:29

Ekologiya və Təbii Sərvətlər Nazirliyinin (ETSN) Xəzər Kompleks Ekoloji Monitorinq İdarəsi Xəzər, Suraxanı və Səbail rayonlarındakı çimərliklərin ekoloji vəziyyəti ilə bağlı monitorinq aparıb. APA-nın xəbərinə görə, Xəzər Kompleks Ekoloji Monitorinq İdarəsinin aylıq bülletenində bildirilib ki, Xəzər, Suraxanı və Səbail rayonlarının sahil zolağında fəaliyyət göstərən bəzi istirahət mərkəzlərinin ərazisində ətraf mühitin mühafizəsi istiqamətində keçirilən monitorinq zamanı ekoloji tarazlığın pozulması halları qeydə alınıb.

 

Bülletendə bildirilib ki, Xəzər rayonunun ərazisində fəaliyyət göstərən “Dalğa Balıq Evi”, “Qızıl Qum”, “Türkan-Sahil”, “Bizim Sahil”, “Jasmin”, “Səda kafesi”, “Türkan Marina” və “Türkan” Suraxanı rayonunun ərazisində fəaliyyət göstərən “Elnur”, “Simurq”, “Cahargah hotel”, “Günəşli-Sahil”, “Jasmin”, “Xəzər”, “Caspian Beach” və “Eldar Restoran”, Səbail rayonunun ərazisində fəaliyyət göstərən “Min bir gecə”, “Panorama” istirahət mərkəzlərində əhalinin istirahətini təmin etmək məqsədilə restoran və çimərlik sahələri fəaliyyət göstərir: “İçməli suya olan tələbat nəqliyyatla gətirilən su hesabına ödənilir. Gətirilən su ərazilərdə qoyulmuş çənlərə vurulur. İstirahət mərkəzlərində formalaşan tullantı suları ərazilərdə tikilib, standartlara cavab verməyən şambolara yığılır. Formalaşan bərk məişət tullantıları ərazidə qoyulmuş tutumlara yığılsa da, vaxtı-vaxtında daşınmadığından ətraf ərazidə qalaqlanaraq qalıb. Məişət tullantılarının daşınması və utilizə edilməsi haqqında heç bir sənəd təqdim olunmayıb. Eyni zamanda qeyd edilən istirahət mərkəzlərində şamboların hermetik olmaması nəticəsində tullantı sularının sahil xəttinə sızması və torpağa hopması faktı da tərəfimizdən müşahidə edilib”

 

““Prins LTD” MMC-yə məxsus “Crescent Beach” və Salyan şossesi 32-ci km-də yerləşən “Ramada Baku” hotelində də monitorinq keçirilib. Burada əmələ gələn tullantı suları ərazidə tikilmiş Bioloji Təmizləyici Qurğuya ötürülür. Keçirilən monitorinq zamanı qurğunun işləmədiyi səbəbindən tullantı suların təmizlənmədən və zərərsizləşdirilmədən Xəzər dənizinə axıdılması müəyyən edilib. Bibiheybət qəsəbəsində yerləşən “Dərya”, “Xəzər” və “Balıq Evi” istirahət mərkəzlərində, “Bül-Bül” restoranında da monitorinq keçirilib. Bu ərazilərdə formalaşan tullantı suları ərazidə tikilmiş şamboya yığılır. Lakin şamboya yığılan tullantı suların daşınması haqqında heç bir sənəd təqdim edilməyib. Sahil xəttində monitorinq keçirilən zaman müəyyən edilib ki, şamboya yığılan tullantı sular heç bir təmizlənmə prosesi keçmədən Xəzər dənizinə axıdılır” – deyə bülletendə qeyd olunub.


Tags:  obyektlər Xəzər sahilində ekoloji tarazlığı pozur SİYAHI


RƏYLƏR


Top news