Aktual mövzular: Dollar alış-satışı , Hava haqqında, Məzənnə, Neftin qiyməti

"Qəbələ" çempionatın formatının dəyişdirilməsini istəyir

"Qəbələ" çempionatın formatının dəyişdirilməsini istəyir

Date: 6 October 2016 19:42

"Qəbələ" klubu 19 yaşadək futbolçulardan ibarət Azərbaycan çempionatı ilə bağlı yeni təkliflə çıxış edib.

Milli.Az apasport.az-a istinadən xəbər verir ki, "qırmızı-qaralar"ın vitse-prezidenti Fariz Nəcəfov bu gün Klublar Komitəsinin (KK) iclasında məsələni müzakirəyə çıxarıb.

Belə ki, "Qəbələ" rəhbərliyi iki dövrədən ibarət çempionatın 3 dövrəli sistemlə dəyişdirilməsini, ilk 4 yeri tutan komandaların sonda çempionu müəyyən etmək üçün öz aralarında pley-off oyunları keçirməsini təklif edib. Klub bununla matçların sayının artırılacağını və futbolçuların daha yaxşı oyun praktikası toplayacağını, eyni zamanda çempionatda rəqabətin böyüyəcəyini düşünür. Çünki U-19 liqasında ötən mövsüm mart ayında başa çatmışdı.
 
Qeyd edək ki, "Qəbələ"nin U-19 komandası bu mövsüm "Gənclər Liqası"nda mübarizə aparır. "Çempionlar Yolu"nun birinci mərhələsində Moskva "Dinamo"suna rəqib olan "qırmızı-qaralar" Qəbələdəki ilk görüşdə 0:2 hesabı ilə məğlub olub.

Milli.Az


Tags:  Qəbələ çempionatın formatının dəyişdirilməsini istəyir

RƏYLƏR


Top news