İşğalçı Ermənistanın Müdafiə Nazirliyi erməni əsgərin yaralandığı barədə xəbər yayıb.
Milli.Az azvision.az-a istinadən bildirir ki, erməni tərəfi iddia edib ki, 20 yaşlı Ayk Levonoviç Ambarsumyan cəbhədə baş verən atışma zamanı yaralanıb.
"Oktyabrın 7-də, saat 08:30 radələrində Ermənistan ordusunun hərbi hissələrindən birinin hərbi qulluqçusu, 1996-ci il təvəllüdlü Ayk Levonoviç Ambarsumyan atışma zamanı güllə yarası alıb".
Xatırladaq ki, ötən gün Ermənistan silahlı qüvvələrinin bölmələri tərəfindən mövqelərimizin atəşə tutulması nəticəsində Silahlı Qüvvələrimizin hərbi qulluqçusu əsgər Məmmədov Sahil Sabir oğlu şəhid olub.
Milli.Az