Xalq artisti: "Kişi şəxsiyyətini pula satmaz" - FOTO

Xalq artisti: "Kişi şəxsiyyətini pula satmaz" - FOTO
13:57 7 Oktyabr 2016
Ölkə mətbuatı
A- A+

"Banka 97 min manat borcum var"

Xalq artisti, tanınmış tarzən Ramiz Quliyevin azvision.az-a müsahibəsi: 

- Sizinlə görüşümüz payız fəslinə təsadüf edir. Romantik payızda əhvalınız necədir?

- Yay-yaz başqa aləmdir. Payızın öz gözəlliyi var. Baxır nə üçün, kimin üçün. Payız hansı yaşda, ömrün hansı çağında gəlir, bunların öz mənası var. Ancaq insan ixtiyar vaxtında çalışır ki, qışı adlayıb, birdən-birə yaza keçsin. Ümumi götürəndə mən bütün fəsillərdə özümü yaxşı hiss edirəm. Tar sinəmdədirsə, kefim əla, halım yaxşı olur.

- Ağdamın payızını xatırlayırsınızmı? 

- Hər yerdə Ağdamın havasını uduram. Qarabağa həsrətlə baxıram. Ağdama qayıtmaq həsrətilə yaşayıram. İnanıram, ömrümün daha bir payızını Ağdamda keçirəcəyəm.

-Səhv etmirəmsə, sizə ilk tarı 5 yaşınızda əminiz alıb. O zaman siz balaca, tar böyük idi. İllər keçdi, siz yaşa doldunuz, sizinlə bərabər tar da böyüdü, məşhurlaşdı.

-Bir də gözümü açıb gördüm ki, tar mənimlə güləşir. Artıq elə bir məqam gəlib çatdı ki, tarla dialoq qurmağa məcbur oldum. Hiss etdim ki, mən tardan bir az yaşca böyümüşəm. Yaşa dolduqca tara məhəbbətim artdı. Düşünürdük ki, biz bir-birimizi bağrımıza basmaqla yanaşı, güləşib məhv edə bilərik. Elə etdik ki, nə tar mənim yanımda, nə də mən tarın yanında xəcalətli oldum. 

-Başqa musiqi alətlərində ifa etməyi bacarırsınız?

- Səsləri bilmək, musiqini öyrənmək üçün piano ilə başlayırıq. Alətlərin içərisində ən çətini, ən dəyərlisi səs tembri, texniki-bədii imkanlarına görə tar şahanə bir musiqi alətdir. Tarda ifa etməyi bacaran adam bütün alətləri ifa edə bilər.

- İstərdik, ilk dəfə konservatoriyaya qədəm qoymanız, buranın rektoru, dahi bəstəkar Cövdət Hacıyevlə görüşünüzdən danışasınız.

-1964-cü ildə Ağdamdan Bakıya imtahan verməyə gəlmişdim. Təxminən iyun, iyul ayları idi. Bakıya artıq ikinci dəfə idi gəlirdim. 17 yaşım var idi. Kənddən gələn uşaq idim. Şəhərdə tramvayların səsi, şəhər ab-havası mənə çox qəribə, maraqlı gəlirdi. Ancaq konservatoriyanı görməmişdim. "5 mərtəbə"də düşdüm. Əlimdə tar və balaca çantam var idi. Bir yaşlı kişiyə yaxınlaşıb ondan soruşdum ki, konservatoriya harada yerləşir, necə getməliyəm? Mənə dedi ki, o hansı binadır, necə binadır? Dedim, qarşısında heykəl var. Dedi, otur tramvaya, filan yerdə düşərsən. Tramvaydan dediyi yerdə düşəndə baxıb gördüm ki, ünvanı səhv salmışam.

Onun dediyi yer Cəfər Cabbarlının heykəli idi. Birtəhər Konservatoriyanı tapdım. Üzeyir bəyin, möhtəşəm bir şəxsiyyətin heykəlini gördüm. Ən gözəl, qiymətli anlardan bir idi. 

Tarımı və çantamı götürüb pilləkənlə yuxarı qalxdım. Baxdım ki, dəhlizdə heç kim yoxdur. İkinci mərtəbəyə çıxdım. İkinci mərtəbədə də heç kimi tapa bilmədim. Ora-bura baxdım. Birdən bəstəboy, uzun saçlı 50-55 yaşlı bir adam mənə baxıb, dedi, sən burada nə edirsən? Kimsən sən? Özümü təqdim elədim. Mənə sual verdi ki, Çaykovski kimdir? Belə baxdım, bu kişi kimdir ki, məni sual-cavab edir. Ancaq ədəb qaydası ilə dedim ki, bəstəkardır. Əsərlərinin adını çəkdim. Soruşdu ki, Qlazunov kimdir? Rus bəstəkarı olduğunu bildirdim. Əsərlərinin adını soruşdu. Fikirləşəndə qayıtdı ki, get, güclü hazırlaş. 

Konservatoriyadan çıxıb kefsiz-kefsiz kirayə qaldığım evə çatdım. Tarı çıxardıb özüm üçün segah ifa elədim. Bu vaxt qonşuluqda yaşayan, ətrafda olan 4-5 nəfər mənə yaxınlaşdı. Hamısı əl çaldı. Dedim, mən nə hayda, siz nə hayda. Başıma gələn əhvalatı onlara danışdım. Qulaq asanlardan biri qayıtdı ki, "ala, fikri eləmə, Qlazunovu özümüz tapıb başa salarıq ki, belə etməzlər". 

Xeyli güldüm. Sonra dedim, rəhmətliyin oğlu, Qlazunov iki əsr əvvəl ölüb.

-O dövrdə tanınmışlardan kimlərlə yaddaqalan görüşləriniz olub?

-Mənim xoşbəxtliyim ondadır ki, gözümü açandan dahilər görmüşəm: Qara Qarayev, Fikrət Əmirov, Niyazi, Səid Rüstəmov, Süleyman Rüstəmov, Tofiq Quliyev, Rauf Hacıyev. Onlarla gözəl münasibətimiz olub.

-Ramiz müəllim, sənətkarlar olur ki, efirdə görürük, ifalarına qulaq asırıq. Həmin insanlara vurğun oluruq. Ancaq şəxsiyyətə gələndə isə bəzən xəyal qırıqlığı yaşayırıq. Bəs siz adlarını çəkdiyiniz o insanlar necə idilər? Mənə elə gəlir ki, o zamanlar ziyalılıq, alicənablıq daha üstün idi.

- Düz deyirsiniz, sizinlə tam razıyam. Bu çox problemli bir məsələdir. Təhsil, elm insan üçün hava və su kimi lazımdır. Biz təhsil almasaydıq, bu gün müqəddəs ocaqda ola bilməzdik. Tərbiyə almasaydıq, ədəb-ərkanı gözləməzdik. Dövr-zaman elə oldu ki, biznes qabağa keçdi, ona xatir insanlar maddiyata meyilləndilər. Musiqiçilərin əksəriyyəti toya geməyə məcbur oldular.

Bəzən ürəyim ağrıyır. Tarı, kamançanı götürüb pilləkənin üstündə ona-buna çalırlar. Bütün bunlar mənəviyyata, mədəniyyətə ziyan vuran amillərdir. İnsanlar banklardan yüksək səviyyədə gəlir əldə etməyə, bazarlardan oğurluq etməyə başladılar. Bax, bundan sonra elm də, təhsil də ikinci plana keçdi. 

İndi maddiyyat öndədir, nəinki mənəviyyat. Pul həmişə vacib amildir, amma ehtiyac olan qədər. O insanlar ona görə dahi idilər ki, varlıqlarını, şəxsiyyətlərini qoruyub çirkin əməllərə getməmişdilər. Ümumiyyətlə, kişi şəxsiyyətini pula satmaz.

- Bəzən ən qəddar, ən zalım insan belə şair nəcibliyi ilə şeir yazır. Fikrinizcə, pis insan yaxşı sənətkar ola bilərmi? 

-Sənət adamı heç vaxt qəddar ola bilməz. Deməli, onun sənəti, şəxsiyyəti zəif olub. Mənə göstərin ki, hansı böyük sənətkar qəddar olub. Nadir hallarda belə şeylər olub.

-Sizdə fədakar ata obrazı var. Bildiyimə görə, oğlunuz Əyyub Quliyevin xaricdə musiqi təhsili alması üçün 4 ədəd qiymətli tarınızı satmısınız...

-Bəli , tarlarımı satıb, oğluma təhsil verdim. Heç kimə baş əymədim. Oğlum Avstriya, Vyana kimi yerdə təhsil aldı. Bizim ailəmiz elm, sənət ailəsidir. Evimizdə böyük bir masa var. Bir tərəfdə oğlanlarım, digər tərəfdə nəvələr, gəlinlər yığışıb çalışırlar. Uşaq vaxtından atam mənə tərbiyə verdiyi kimi, mən də övladlarıma tərbiyə verirəm. Azərbaycan dirijorluq tarixində Niyazidən üzü bəri oğlum Əyyubdan başqa heç kim aspirant təhsili almayıb. Onun beynəlxalq müsabiqələrdə, festivallarda tutduğu yerlərə görə tarları satmağa dəyərdi.

Fərhad Bədəlbəyli xaricdən mənə zəng edib, dedi ki, "Ramiz, bilirsən, bu böyük qələbədir". Onun fitri istedadı var. Bu istedad üçün mən nə desən, edərdim.

Hərdən deyirəm ki, oğul, fəxri ad almadığın üçün həvəsdən düşmə. Deyir, ata, mənim fəxri adım mənim sənətimdir. Digər oğlum Emin isə Prezident yanında Dövlət İdarəçilik Akademiyasında və Konstitusiya məhkəməsində işləyir. 

-Eşitdiyimə görə, məmurlardan biri sənətinizin vurğunudur. Hətta bir neçə dəfə sizə maddi dəstək verib. 

-Bəli, olub. Siz dediyiniz adam oğlum Əyyubun da, mənim də xaricə gedərkən biletlərimizin xərcini ödəyib, qonorarımızı verib. Elə adamlar çox azdır. Elə nazir var ki, hünəri, şəxsiyyəti ilə böyük insandır.

-Müsahibələrinizin birində banka külli miqdarda borcunuzun olduğunu demişdiniz.

- Adam çətinə düşə bilər. Maddi baxımdan çətinlik olanda Beynəlxalq banka üz tutmuşuq. Oğlumun evi yox idi. Kredit pul götürüb ona ev almışıq. Hal-hazırda banka 97 min manat borcum var. Aylıq 1000 manat prezident təqaüdü alıram. Bunun üstünə həyat yoldaşımın və özümün maaşını da qoyub 2571 manat kredit ödəyirəm. Şükür Allaha, kiməsə möhtac deyilik, pensiyamızla dolanırıq. 

Milli.Az






RƏYLƏR

BU KATEQORİYADAN DİGƏR XƏBƏRLƏR

Ölkə mətbuatında bugün »

Avropa Liqası: "Qəbələ" "Panatinaikos"la ilk görüşdə uduzub

28 İyul 2017 00:57

Avropa Liqası: “Qəbələ”dən minimalhesablı məğlubiyyət

28 İyul 2017 00:44

Kürdəxanıda arvad ərini bıçaqladı

28 İyul 2017 00:29

Qüdsdə toqquşmalar: 50 yaralı

28 İyul 2017 00:28

Dondurmadan zəhərlənmə

28 İyul 2017 00:24

Astroloji proqnoz - 28 iyul

28 İyul 2017 00:08

Yarıçılpaq ulduz: "Vücudunuzdan utanmayın" - FOTO

28 İyul 2017 00:05

"Porşe" 22 min avtomobili geri çağırır

28 İyul 2017 00:05

Günün qoroskopu: maliyyə itkiləri mümkündür

28 İyul 2017 00:05

Bakıda “Yelena” ləqəbli kişi 6 min manat oğurladı

27 İyul 2017 23:57

Moskvalılara zooparkda evlənməyə icazə verildi

27 İyul 2017 23:57

Hamiləlik zamanı baş verən infeksion xəstəliklər

27 İyul 2017 23:57

Ağciyər arteriyası qapağının çatışmazlığı

27 İyul 2017 23:52

Vladimir Putinin də içdiyi çay - 17 MÖCÜZƏVİ FAYDA

27 İyul 2017 23:47

Kafir üçün xeyir duası etmək olarmı?

27 İyul 2017 23:47

Kimsə xoşuna gəlirsə, onu ürəyində gizlətmə, söylə

27 İyul 2017 23:47

Bakıda arvad ərini bıçaqlayıb

27 İyul 2017 23:47

Rusiya İran üçün nəzərdə tutduğu silahları Azərbaycana verib

27 İyul 2017 23:47

Dünyanın ən bahalı məktəbi

27 İyul 2017 23:47

Özünü kirayə qaldığı evdə asdı

27 İyul 2017 23:37

Kamran Ağayevin komandası Avroliqada qələbə qazandı

27 İyul 2017 23:37

Tovuz sakini sirkə turşusundan zəhərləndi

27 İyul 2017 23:33

Tər qoxusundan qurtulmağın təbii yolları

27 İyul 2017 23:32

Məşhur model qaçarkən "hədəf" oldu - FOTO

27 İyul 2017 23:32

Jurnalistlər çəkməsin deyə dənizə girmədi

27 İyul 2017 23:32

İstanbula dolu düşdü

27 İyul 2017 23:23

Antibiotik istifadəsində yenilik - daha yaxşı təsir edir

27 İyul 2017 23:22

Bir stəkan nanə çayı görün nələrə qadirdi?

27 İyul 2017 23:22

Çox yeməyin hansı ziyanı var?

27 İyul 2017 23:22

Prokurordan “tualet tikməyə pulum yoxdu” deyən vətəndaşa: "ARVADINI SAT" - VİDEO

27 İyul 2017 23:17

"ATV xəbər"-in əməkdaşı çətin vəziyyətə düşüb

27 İyul 2017 23:17

71 məhkum səhvən sərbəst buraxıldı

27 İyul 2017 23:15

Dəniz Çakır "Eşkiya dünyaya hükümdar olmaz”dan ayrılır?

27 İyul 2017 23:12

Müğənnilərin toy qiymətləri – YENİ SİYAHI

27 İyul 2017 23:12

Dənizdə uzun müddət üzsəniz...

27 İyul 2017 23:12

Azərbaycan neftinin SON QİYMƏTİ

27 İyul 2017 23:12

Türkiyə millisinə namizəd baş məşqçilər - SİYAHI

27 İyul 2017 23:07

Qalmaqallı model yeni fotolarını paylaşdı - FOTO

27 İyul 2017 23:05

ABŞ-da daha bir istefa

27 İyul 2017 23:03

Azərbaycanda gənc oğlan spirtli içkidən komaya düşüb

27 İyul 2017 23:02

Doğuşdan sonra artıq çəkidən necə xilas olmalı?

27 İyul 2017 22:57

Wikileaks dünyanı sarsıdacaq sənədlər açıqladı

27 İyul 2017 22:52

Ağciyərləriniz sağlamdırmı? - Gəlin yoxlayaq

27 İyul 2017 22:52

İlanla oynadı, xəstəxanalıq oldu

27 İyul 2017 22:49

Azərbaycan HHQ üçün 10 təyyarə aldı

27 İyul 2017 22:48

Angelina Coli və Bred Pit nə üçün ayrılıb?

27 İyul 2017 22:45

“Jara-2017” musiqi festivalı “Bakıya qaçaq” mahnısı ilə açılıb - FOTO

27 İyul 2017 22:42

Ərəb ölkələri terrorçular siyahısını genişləndiriblər

27 İyul 2017 22:42

Allah Təala niyə bəzən mömin bəndəsini gecə ibadətindən məhrum edir?

27 İyul 2017 22:42

Qüdsdə yenidən ara qarışdı: 50 yaralı

27 İyul 2017 22:39