İtaliya yığmasının hücumçusu Qratsiano Pelle millinin baş məşqçisi Campyero Venturadan üzr istəyib.
Milli.Az apasport.az-a istinadən xəbər verir ki, təcrübəli forvard DÇ-2018-in seçmə mərhələsi çərçivəsində İspaniya ilə matçda etdiyi hərəkətin səhv olduğunu anlayıb.
Görüşün ikinci hissəsində əvəzlənən Pelle buna etiraz əlaməti olaraq, baş məşqçinin əlini sıxmamışdı. Lakin Qratsiano bu hərəkətinə görə peşman olub: "Təəssüf ki, səhv buraxdım. Baş məşqçiyə qarşı bu cür münasibətim qəbulolunmazdı. Kollektivimizdə fantastik ab-hava var. Bu mənada, etdiyim hərəkət komanda yoldaşlarıma da hörmətsizlikdi. O cür davrandığıma görə üzr istəyirəm".
Qeyd edək ki, İtaliya - İspaniya matçı 1:1 hesabı ilə nəticələnib.
Milli.Az