Aktual mövzular: Dollar alış-satışı , Hava haqqında, Məzənnə, Neftin qiyməti

8 dərman istehsalı şirkətində yoxlama

8 dərman istehsalı şirkətində yoxlama

Date: 7 October 2016 18:28

Azərbaycan 2020: gələcəyə baxış” İnkişaf Konsepsiyasının 8-ci hissəsinə əsasən Azərbaycan Respublikası Səhiyyə Nazirliyinin fəaliyyət istiqamətlərinə uyğun olaraq prioritet inkişaf sahələri üzrə tədbirlərin həyata keçirilməsi məqsədilə “Azərbaycan Respublikası Səhiyyə Nazirliyinin 2014-2020-ci illər üzrə strateji planı" təsdiqlənib.

Səhiyyə Nazirliyindən Publika.az-a verilən məlumata görə, dərman vasitələrinin istehsal prosesinin yüksək səviyyədə təşkili hazırki dövrdə Etibarlı İstehsalat Praktikasının (Good Manufacturing Practice - GMP) tələbləri əsasında aparılır. Sözügedən tələblər dərman vasitələrinin istehsalının bütün mərhələlərini tənzimləyir. GMP-nin meydana çıxma tarixi 1963-cü il ABŞ-dan başlayır. Bu sahədə ilk beynəlxalq sənəd isə 1968-ci ildə Ümumdunya Səhiyyə Təşkilatı mütəxəssisləri tərəfindən hazırlanmışdır. 70-ci illərdən başlayaraq GMP konsepsiyası bütün dünya ölkələrində geniş vüsət almışdır. Hazırda bu tələblər dərman vasitələri,tibbi avadanlıq,qida məhsulları,qida əlavələri,kosmetik vasitələrin istehsalında tətbiq edilməkdədir. Eyni zamandaGMP keyfiyyətə təminatın əsas təkib hissəsi olub məhsulun daim müvafiq keyfiyyət standartlarına uyğun istesal olunduğuna və yoxlanıldığına, öz təyinatına, qeydiyyat sənədlərinə və bu məhsula dair spesifikasiyaya, eləcə də marketinq və lisenziyalaşdırma orqanlarının tələblərinə uyğun olduğuna zəmanət verən sistemdir.

Respublikaya idxal olunan dərman vasitələrinin daim yüksək keyfiyyətə, təhlükəsizliyə və effektivliyə malik olmasını təmin etmək üçün bəzi hallarda istehsalçı şirkətlərin təftişinə ehtiyac yaranır. Məhz GMP yoxlamalar istehsalçının istehsalat prosesini hansı səviyyədə təşkil və tətbiq etdiyi, eləcə də ümumilikdə istehsalçının potensialını aşkar etməyə imkan verir.

Bütün bunları nəzərə alaraq Respublikamızda əczaçılıq sektorunda tənzimləyici qurumu olan Azərbaycan Respublikası Səhiyyə Nazirliyi Analitik Ekspertiza Mərkəzində cari ildən başlayaraq illik GMP təftişi həyata keçirilməyə başlanıb. Belə ki, son dörd ay ərzində müxtəlif ölkələrin 8 dərman istehsalı ilə məşğul olan şirkətinin GMP tələblərinə uyğun təftişi aparılıb. Bununla yanaşı sözügedən yoxlamaları həyata keçirən mütəxəssislərin peşəkarlıq səviyyəsi daha da artırılıb və bu sahəyə yeni kadrlar cəlb olunub.


Tags:  dərman istehsalı şirkətində yoxlama

RƏYLƏR


Top news