Aktual mövzular: Dollar alış-satışı , Hava, Məzənnə, Neftin qiyməti

Azərbaycan Daşkənd Beynəlxalq Turizm yarmarkasında təmsil olunub

Azərbaycan Daşkənd Beynəlxalq Turizm yarmarkasında təmsil olunub

Bakı Birinci Turizm Festivalına hazırlaşır (01 Mart 2017 11:48)
Azərbaycan İstanbulda keçiriləcək Beynəlxalq Turizm Forumunda iştirak edəcək (14 Fevral 2017 10:47)

Tarix: 7 Oktyabr 2016 19:42

Bakı. 7 oktyabr. REPORT.AZ/ Azərbaycan Özbəkistanın paytaxtı Daşkənddə keçirilən 22-ci Beynəlxalq Turizm yarmarkasında təmsil olunub.
Azərbaycanın Özbəkistandakı səfirliyindən "Report"a verilən məlumata görə, ölkəmizi mötəbər sərgidə səfirlik və onun nəzdindəki Heydər Əliyev adına Mədəniyyət Mərkəzi təmsil edib.
Azərbaycan stendində ölkəmizin turizm resursları, turizm mərkəzləri, marşurutları, hotellərə dair nəşrlər, milli mədəniyyətimizə, mədəni irsimizə dair materiallar, suvenirlər nümayiş etdirilib, qonaqlar milli şirniyatlarımıza qonaq ediliblər.
Sərgi-Yarmarkada Azərbaycan Respublikasının Mədəniyyət və Turizm nazirliyi tərəfindən göndərilən çoxsaylı nəşrlər, buklet və broşurlar paylanılıb, "Möcuzəvi Naftalan" videoçarx nümayiş edilib, ölkəmizin turizmi, mədəniyyəti, milli mətbəxinə dair nəşrlər sərgilənib.
Bu ilki yarmarkada Daşkənddəki Heydər Əliyev adına Azərbaycan Mədəniyyət Mərkəzi turistlər üçün Azərbaycanın Bakı şəhərinə 1 həftəlik istirahət turu, Naftalan şəhərinə 10 günlük müalicə turlarını turistlərə təqdim edib.

Teqlər:  Azərbaycan Daşkənd Beynəlxalq Turizm yarmarkasında təmsil olunub



RƏYLƏR


Top xəbərlər