Aktual mövzular: Dollar alış-satışı , Hava haqqında, Məzənnə, Neftin qiyməti

"Qələbə qazanmaq üçün hər şeyi edəcəyik” - Prosineçki

"Qələbə qazanmaq üçün hər şeyi edəcəyik” - Prosineçki

Date: 7 October 2016 20:42

"5 gündür ki, hazırlıqlara başlamışıq. Futbolçulardan razıyam. Əvvəlcə heyətdə zədəli futbolçular var idi və tam heyətlə hazırlıq keçə bilmirdik. Sonradan vəziyyət düzəldi. Bizi çətin oyun gözləyir. Norveç ilk görüşdə Almaniyaya uduzub. Komandama inanıram. Oyuna hazırıq və qələbə qazanmaq üçün hər şey edəcəyik".

Milli.Az futbolxeber.az-a istinadən bildirir ki, bu sözləri milimizin baş məşqçisi Robert Prosineçki deyib.

Xorvat mütəxəssis Bakı Olimpiya Stadionunda Norveçlə oyunöncəsi mətbuat konfransı keçirib. Çıxışından sonra Prosineçki jurnalistlərin suallarını cavablandırıb:

-Klubunda hər oyuna çıxan Vaqif Cavadov millinin heyətində yoxdur...

- Ramil Şeydayev və Emil Mahmudov gənc futbolçulardır. Düşünürəm ki, onlar gələcək üçün vacib oyunçulardır. Üstəlik, onların mövqeyi Vaqif Cavadovla eyni deyil. Onun mövqeyində daha yaxşı formada olan futbolçular var. Futbolçular "Trabzonspor", "Boavişta" və "Sumqayıt"da oynayır. Düşünürəm ki, bu klublar arasında fərq böyükdür.

- Sabahkı oyun üçün start heyətini açıqlaya bilərsiniz?

- Bilirəm ki, bu hər kəsi maraqlandırır. Komanda son 5 gündə yaxşı məşq edib. Əlimizdən gələni edəcəyik ki, azarkeşləri sevindirək. Üzümü futbol həvəskarlarına tuturam və onları stadiona dəvət edirəm. O qədər optimistəm ki, sabahdan Azərbaycanda futbola marağın qalxacağına və millinin oyunlarına biletin çətinliklə tapılacağına inanıram. Sabah oyuna bu heyətlə başlayacağıq: Kamran Ağayev, Məhəmməd Mirzəbəyov, Rəşad Sadıqov, Maksim Medvedev, Arif Daşdəmirov, Qara Qarayev, Rahid Əmirquliyev, Eddi İsrafilov, Ruslan Qurbanov, Dmitri Nazarov, Ağabala Ramazanov.

- Bədavi Hüseynovun start heyətində yer almaması zədəsinin tam sağalmadığını göstərir?

- Bədavi iki aya yaxın futboldan kənar qalıb. Son zamanlarda yalnız 2 görüşdə meydana çıxıb. Fikrimcə, o bu gün Norveçə qarşı oynayacaq formada deyil. Ümid edirəm ki, sabah heç kim zədə almayacaq. Maksim Medvedev mərkəz müdafiəçisi mövqeyində Bədavinin yerinə çıxış edəcək. İnanıram ki, heç bir problem olmayacaq.

Milli.Az


Tags:  Qələbə qazanmaq hər şeyi edəcəyik Prosineçki

RƏYLƏR


Top news