Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Onlar gənclərin çağırışaqədərki hazırlığı üzrə rəhbər olacaqlar - FOTO

Onlar gənclərin çağırışaqədərki hazırlığı üzrə rəhbər olacaqlar - FOTO

Date: 8 October 2016 13:47

Gənclərin çağırışaqədərki hazırlığı üzrə rəhbər vəzifəsinə işə qəbul müsabiqəsi keçirilib.

Oktyabrın 8-də Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrinə gənclərin çağırışaqədərki hazırlığı üzrə rəhbər vəzifəsinə işə qəbul olunmaq üçün müsabiqə keçirilib.

İdarədən Milli.Az-a verilən məlumata görə, 42 nömrəli tam orta məktəbdə təşkil olunan müsabiqəyə qatılan şəxslər ixtisaslarına dair 40 sualdan ibarət test tapşırığını 1 saat ərzində cavablandırıblar. Qeydiyyatdan keçmiş 102 nəfər namizəddən 81-i müsabiqədə iştirak edib.

Qeyd edək ki, Nazirlər Kabinetinin qərarı ilə təsdiq edilmiş "Gənclərin ibtidai hərbi hazırlıq Əsasnaməsi"nə uyğun olaraq, gənclərin çağırışaqədərki hazırlığı üzrə rəhbər vəzifəsində ali və ya orta ixtisas hərbi, yaxud ali mülki təhsilli ehtiyatda (istefada) olan zabitlər işləyə bilərlər.

Təhsil Nazirliyinin əmri ilə təsdiq edilmiş "Azərbaycan Respublikası Təhsil Nazirliyi sisteminə daxil olan ümumi təhsil müəssisələrində və peşə liseylərində müəllimlərə tələbatın müəyyənləşdirilməsi, pedaqoji kadrların işə qəbulu və yerdəyişməsi Qaydaları"na əsasən, məktəblərdə vakant olan gənclərin çağırışaqədərki hazırlığı üzrə rəhbər vəzifəsinə işə qəbul Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) strukturuna daxil olan yerli idarəetmə orqanları və tabelik üzrə təhsili idarəetmə orqanı ilə razılaşdırılmaqla, müəssisə rəhbəri tərəfindən həyata keçirilir.

Bakı şəhərindəki ümumi təhsil müəssiələrinə gənclərin çağırışaqədərki hazırlığı üzrə rəhbər vəzifəsinə işə qəbul olunmaq üçün müraciətlərin çoxluğu nəzərə alınaraq, eyni zamanda işə qəbulun daha səmərəli və şəffaf həyata keçirilməsi, ümumi təhsil müəssisələrinin yüksək səviyyəli kadrlarla təmin edilməsi məqsədilə, BŞTİ tərəfindən 2016-2017-ci tədris ili üçün müvafiq vəzifəyə işə qəbulla əlaqədar müraciət edən şəxslər sırasından namizədlərin müsabiqə əsasında seçilərək işə qəbuluna razılıq verilməsi məqsədəuyğun hesab edilib.

Müsabiqədə göstərdiyi nəticə nəzərə alınaraq, eyni zamanda SHXÇDX-nin strukturuna daxil olan yerli idarəetmə orqanının yazılı razılığı təqdim edildikdən sonra namizədin işə qəbuluna BŞTİ tərəfindən müvafiq razılıq veriləcək.

Zərif Nisə

Milli.Az








Tags:  Onlar gənclərin çağırışaqədərki hazırlığı üzrə rəhbər olacaqlar FOTO

RƏYLƏR


Top news