Lionel Messinin karyerasını futbolun sirrlərini öyrəndiyi "Nevell`s Old Boys"da bitirmək istədiyi hər kəsə bəllidi. Argentinalı ulduz bu arzusunu dəfələrlə dilə gətirib.
Fanat.Az xəbər verir ki, Messi bu istəyini reallaşdırmaq yönündə ciddi addım atmaq niyyətindədi. "Don Balon"un yaydığı məlumata görə, futbolçu "Barselona" ilə bağlamağa hazırlaşdığı yeni müqaviləyə karyerasını "Nevell`s Old Boys"da bitirməklə bağlı maddə saldıracaq.
Qeyd edək ki, Messi 7 yaşında - 1994-cü ildə "Nevell`s Old Boys"da futbolun sirrlərini öyrənməyə başlayıb və 2001-ci ildə "Barselona"ya transfer olunub.
Fanat.Az