AFFA prezidenti Rövnəq Abdullayev millimizin DÇ-2018-in seçmə mərhələsində keçirdiyi 2-ci oyunda da qalib gəlməsinə münasibət bildirib.
Fanat.Az saytı xəbər verir ki, assosiasiya rəhbəri Norveç üzərində əldə edilən 1:0 hesablı qələbədən sonra jurnalistlərlə söhbətinə zarafatla başlayıb: "Nəticə kimi qane etmirsə, əlin qaldırsın (gülür). Oyun xoşuma gəldi. Rəqib gücdü, iddialı komanda idi. Dünən mətbuat konfransına da gəlmədilər ki, artıq hər şeyi həll etmişik. Çox sevinirəm. 2 oyundan 6 xal yığmışıq və ilk pillədəyik. Azərbaycan tarixində belə şey olmayıb. Seçmə mərhələni başlayanda, şüarımız bu idi - “niyə də yox!?”. Elə indi də deyirik ki, niyə də yox”!?
Fanat.Az