Aktual mövzular: Dollar alış-satışı , Hava haqqında, Məzənnə, Neftin qiyməti

Koalisiya Yəmənin paytaxtını bombardman etdi

Koalisiya Yəmənin paytaxtını bombardman etdi

Date: 9 October 2016 05:19

Ərəb koalisiyasına məxsus aviasiya Yəmənin paytaxtı Sana şəhərinə beş zərbə endirib.

 

APA-nın xəbərinə görə, bu barədə “Sputnik” agentliyinə hərbi mənbə bildirib.  

 

“Sananın qərbindəki Fəcc dağında yerləşən raket qüvvələrinə üç zərbə, Əl-Nəhdeyn yüksəkliyinə isə iki zərbə endirilib”, - deyə mənbə bildirib.

 

Məlumata görə, qeyd olunan hücumlar Sanada yas mərasiminə endirilən zərbələrdən bir qədər sonra törədilib.

 

Qeyd edək ki, Yəmənin paytaxtında  yas mərasiminə endirilən aviazərbələr nəticəsində ölənlərin sayı 213 nəfərə çatıb.

 

Üsyançı husilər zərbənin endirilməsində ərəb koalisiyasını ittiham edib, lakin koalisiya hadisə ilə əlaqəsi olmadığını iddia edir. 

 

Yəmənin paytaxtı Sana şəhəri üsyançı husilərin nəzarəti altındadır. Səudiyyə Ərəbistanının rəhbərlik etdiyi ərəb koalisiyası üsyançılarla mübarizədə Yəmən hökumətinə dəstək  verir.  


Tags:  Koalisiya Yəmənin paytaxtını bombardman etdi


RƏYLƏR


Top news