Aktual mövzular: Dollar alış-satışı , Hava, Məzənnə, Neftin qiyməti

Saakaşvilinin partiyası MSK binasının qarşısında etiraz aksiyası keçirir

Saakaşvilinin partiyası MSK binasının qarşısında etiraz aksiyası keçirir

Ermənistanı etiraz aksiyaları bürüyüb (20 Mart 2017 20:25)
Ermənistanı etiraz aksiyaları bürüyüb (20 Mart 2017 20:17)
İrəvanda etiraz aksiyası dağıdılıb - YENİLƏNİB (19 Mart 2017 23:47)

Tarix: 9 Oktyabr 2016 09:27

Gürcüstanda parlament seçkilərinin ilkin nəticələrinə görə hakim "Gürcü arzusu" partiyasına məğlub olan Mixail Saakaşvilinin "Vahid Milli Hərəkat" partiyası MSK binasının qarşısında etiraz aksiyası keçirir.  

APA-nın "RİA Novosti"yə istinadən verdiyi xəbərə görə, "Vahid Milli Hərəkat" partiyasının üzvləri və tərəfdarları MSK-nın qarşısına toplaşıblar. Binanın mühafizəsi gücləndirilib, patrul polisindən başqa əraziyə xüsusi təyinatlılar cəlb olunub.

Etirazçılar və polis arasında qarşıdurma baş verməyib.

"Biz MSK-nı xəbərdar etmək istəyirik ki, gürcü seçicilərin iradəsinə qarşı çıxış etməsinlər və reallığı əks etdirən göstəriciləri qeydə alsınlar", - deyə partiya üzvü Levan Tarxnişvili "Rustavi-2" telekanalına müsahibəsində bildirib.  

Qeyd edək ki, Gürcüstanda parlament seçkilərində məntəqələrin 21,99 faizi üzrə hesablanmış bülletenlərin nəticəsinə görə, hakim "Gürcü arzusu" partiyası səslərin 52,67 faizini, eks-prezident Mixail Saakaşvilinin "Vahid Milli Hərəkat" partiyası isə 24,85 faizini toplayıb.

Milli.Az


Teqlər:  Saakaşvilinin partiyası MSK binasının qarşısında etiraz aksiyası keçirir



RƏYLƏR


Top xəbərlər