Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Azərbaycanda evin içindən naməlum heyvanın skeleti tapıldı - GÖRÜNTÜLƏR

Azərbaycanda evin içindən naməlum heyvanın skeleti tapıldı - GÖRÜNTÜLƏR

Date: 9 October 2016 09:39

Beyləqan rayonunun Aşıqalılar kənd sakini Qəhrəman Mehdiyevə məxsus fərdi yaşayış evinin zirzəmisindən naməlum heyvan skeleti tapılıb.

 

Lent.az ARB telekanalına istinadən xəbər verir ki, heyvan skeleti evdə təmir işləri aparılarkən aşkar olunub. Kənd sakinlərindən birinin bildirdiyinə görə, heyvanın sümüyünün bir hissəsində qalan dəri parçası onun yaxın zamanlarda öldüyünə dəlalət edir.

 

Burada əsas diqqət çəkən məqam isə onun qabaq ayaqlarının olmamasıdır. Alt və üst çənədəki ön dişlərdən onun yırtıcı olması da ehtimal edilir. Lakin ayağın pəncə hissəsində caynaqlar yoxdur. “Əvəlcə evdən qoxu gəlib. Döşəməni sökəndən sonra görüblər ki, orada bir heyvan skeleti var” deyə Beyləqan rayonunun Aşıqalılar kənd sakini Baxış Novruzov vurğulayıb.

 

Sakinlər bildirirlər ki, bu günə qədər kənd ərazisində belə bir forması olan heyvana rast gəlməyiblər. Buna görə də onun hansı heyvan olduğunu müəyyənləşdirmək çətindir. Beyləqan Rayon Baytarlıqİdarəsindən verilən məlumata görə skeletin uzunluğu 30 santimetrdir. Onun iki arxa ətrafı,14 cüt qabırğası, 7 boyun, 14 döş, 7 bel, 9 büzdüm fəqərəsi var.

 

İdarədən verilən məlumata görə, aşkar edilən skelet barədə daha dəqiq sözü yalnız mütəxəssislər deyə bilərlər.






Tags:  Azərbaycanda evin içindən naməlum heyvanın skeleti tapıldı GÖRÜNTÜLƏR


RƏYLƏR


Top news