Aktual mövzular: Dollar alış-satışı , Hava haqqında, Məzənnə, Neftin qiyməti

""Niyə də yox?" şüarının milliyә kömәyi dәymir"

""Niyə də yox?" şüarının milliyә kömәyi dәymir"

Date: 9 October 2016 11:05

Azərbaycan millisi DÇ-2018-in seçmə mərhələsində doğma azarkeşləri önündə Norveçi 1-0 hesabı ilə məğlubiyyətə uğradıb.

Milli.Az xəbər verir ki, millimizin futbolçusu Rahid Əmirquliyev qafqazinfo-nun əməkdaşının suallarını cavablandırıb: 

- Oyun haqqında fikirləriniz necədi?

- Düzdü, bizim üçün çətin oldu. Norveç elə-belə komanda deyil. Stadionun qazonu çox ağır idi. Bütün bunlara baxmayaraq biz yaxşı hazırlaşdıq və layiqli qələbə qazandıq. Bizə dəstək olduqlarına gözə azarkeşlərə təşəkkür edirəm.

- Bu gün stadionda belə azarkeş dəstəyinin olacağını gözləyirdinmi?

- Stadion böyükdü. Düzünü deyim ki, gözləmirdik. Fikirləşirdik ki, azarkeş sayı az olacaq. Bizi dəstəkləyənlərə minnətdarlığımı bildirirəm. 

- "Niyə də yox?" şüarı sizə nə dərəcədə köməklik edir?

- Onun milliyə köməyi dəymir, artıq istəyirik ki, hansısa nəticə verək. İndi elə vaxtdı ki, istənilən komandaya qarşı oynamaq olur. Ona görə də, biz maksimum xal qazanmağa çalışırıq. 

- Azarkeşlər qrupda Almaniyadan öndə olduğumuzu yuxu kimi qəbul edirlər. Futbolçular yuxuda deyil ki?

- Yox. Bizim yuxuya getməyə vaxtımız yoxdu, iki gündən sonra Çexiya millisi ilə oyunumuz var. Ona görə də, ayıq olmalıyıq. 

- Çexiya ilə səfər oyunu üçün gücünüz qalıb?

- Dediyim kimi, asan oyun oynamadıq. Stadion da ağır idi. Ancaq bizim çox oyunçumuz var. Yəqin ki, baş məşqçimiz müəyyən dəyişikliklər edəcək. Hər-hansı problem görmürəm. 

- Bu gün Almaniya Çexiyanı böyük hesabla məğlub etsə, bu, sizin üçün üstünlük olmayacaq?

- Almaniya mütləq qalib gələcək. Çünki onlar çox güclü komandadı. Ancaq Çexiya da elə-belə komanda deyil. Onların Almaniya ilə oynaması, bizim üçün üstünlükdü. Biz nə qədər güc sərf etmişiksə, Çexiya daha çox güc itirəcək. 

- Çexiya ilə oyunda qazanılacaq 1 xal sizin üçün uğur sayılacaqmı?

- Çalışacağıq ki, üç xalla qayıdaq. Niyə də yox?

Milli.Az


Tags:  Niyə yox şüarının milliyә kömәyi dәymir

RƏYLƏR


Top news