Arnold Şvartseneqqer Trampa səs verməkdən imtina edib

Arnold Şvartseneqqer Trampa səs verməkdən imtina edib
20:32 9 Oktyabr 2016
61 Dünya
Ölkə mətbuatı
A- A+

Bakı. 9 oktyabr. REPORT.AZ/ Məşhur idmançı, kinoaktyor və Kaliforniya ştatının sabiq qubernatoru Arnold Şvartseneqqer bildirib ki, qarşıdan gələn prezident seçkilərində Donald Trampa səs verməyəcək.
"Report" xəbər verir ki, o, bu barədə öz "Facebook" səhifəsində yazıb.
Məsələnin maraqlı tərəfi ondan ibarətdir ki, Şvartseneqqer də Trampın namizədliyinin irəli sürüldüyü Respublikaçılar Partiyasının üzvüdür.
"ABŞ vətəndaşı olduğum 1983-cü ildən bu yana ilk dəfədir ki, respublikaçı namizədə səs verməyəcəyəm. Mən respublikaçı olmağımla fəxr edirəm, lakin amerikalı olmağımla fəxr etmək daha vacibdir.
Və mən həmpartiyalı dostlarıma xatırlatmaq istəyirəm ki, hər birimizin öhdəliyi ölkəni partiya maraqlarından daha üstün tutmaqdır", — deyə Şvartseneqqer yazıb.
Bununla belə, o, öz səsini kimə verəcəyini açıqlamayıb.

Xəbərin orijinal ünvanı: http://report.az/diger-olkeler/arnold-svartseneqqer-trampa-ses-vermekden-imtina-edib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR